‘નાઝી સેલ્યુટ’ કન્ટ્રોવર્સીમાં મસ્કે ટેલર સ્વિફ્ટને ઢસડી: યુઝર્સે તેને ટ્રોલ કરતા કહ્યું ‘મસ્ક સ્વિફ્ટથી ઓબ્સેસ છે’

Elon Musk Nazi Controversy: ઇલોન મસ્કે તાજેતરમાં જ સિંગર ટેલર સ્વિફ્ટને ‘નાઝી સેલ્યૂટ’ કન્ટ્રોવર્સીમાં ઢસેડી છે. ઇલોન મસ્ક દ્વારા કરવામાં આવેલા ઇશારાને કારણે દુનિયાભરમાં તેની ટીકા કરવામાં આવી રહી છે. ટીકા થતાં ઇલોન મસ્કે સોશિયલ મીડિયા પર ઘણાં નાઝી જોક્સ કરવાનું શરૂ કર્યું હતું. તે હવે આ કન્ટ્રોવર્સીમાં ટેલર સ્વિફ્ટને પણ ઢસેડી લાવ્યો છે.

‘નાઝી સેલ્યૂટ’ કન્ટ્રોવર્સી

ઇલોન મસ્ક દ્વારા ડોનાલ્ડ ટ્રમ્પના ઇનોગ્રેશન દરમ્યાન એક ઇશારો કરવામાં આવ્યો હતો. આ ઇશારો નાઝી આર્મીના જનરલ એડોલ્ફ હિટલર સાથે સરખાવવામાં આવી રહ્યો છે. ઇલોન મસ્ક દ્વારા જે ઇશારો કરવામાં આવ્યો હતો એમાં ઇલોન મસ્કે તેના જમણા હાથને તેની છાતી પર જોરથી પછાડ્યો હતો અને ત્યારબાદ તેના હાથને એકદમ સીધો કર્યો હતો. ઇલોન મસ્કની આ એક્શનને લઈને દુનિયાભરમાં તેની ટીકા કરવામાં આવી રહી છે.

ઇલોન મસ્કનું અટકચાળું

ઇલોન મસ્ક તેની સાથે સંકળાયેલી દરેક વાતને ખૂબ જ મસ્તીમાં લે છે. આ સાથે જ તે એના પર ઘણાં જોક્સ પણ કરે છે. આ ટીકા બાદ તેણે ઘણાં નાઝી જોક્સ સોશિયલ મીડિયા પર શેર કર્યાં છે. આ જોક્સ તેણે ઘણાં વિષય પર કર્યાં છે. જોકે સોશિયલ મીડિયા પર એક પોસ્ટ હતી જેમાં હિટલરનો ફોટો હતો અને તેના જેવો જ પોઝ આપતો એક ટેલર સ્વિફ્ટનો ફોટો હતો. આ ફોટોને શેર કરીને એ એકાઉન્ટ પર કેપ્શન લખવામાં આવી હતી કે ‘આનો મતલબ સ્વિફ્ટીઝ (ટેલર સ્વિફ્ટના ફેન્સ) = હિટલરની યુવાની છે?’ આ પોસ્ટ પર ઇલોન મસ્કે પણ રિએક્શન આપ્યું હતું. તેના રિએક્શન બાદ ટેલર સ્વિફ્ટના ફેન્સને એ પસંદ નથી આવ્યું.

લોકોએ કર્યો ટ્રોલ

ટેલર સ્વિફ્ટને આ કન્ટ્રોવર્સીમાં ઘસેડતા ઇલોન મસ્કના ચાહકો ખૂબ જ ગુસ્સે થયા હતા. ઇલોન મસ્કને ખૂબ જ ગંદી રીતે ટ્રોલ કર્યા બાદ ઘણાંએ એવું પણ કહ્યું હતું કે તે ટેલર સ્વિફ્ટથી ઓબ્સેસ છે. એક યુઝરે કહ્યું કે જો તે ટેલર સ્વિફ્ટ હોત તો ઇલોન મસ્ક પર તેણે કેસ કરી દીધો હોત. ઘણાં યુઝર્સ એમ પણ કહી રહ્યાં છે કે ટેલર સ્વિફ્ટ દ્વારા તેના ફેન્સને હાથ કરવામાં આવી રહ્યો હતો, પરંતુ આ ફોટોને આર્ટિફિશિયલ ઇન્ટેલિજન્સની મદદથી એડિટ કરવામાં આવ્યું હોવાનું કહેવામાં આવી રહ્યું છે. ઘણાં યુઝર્સે એવું પણ કહ્યું હતું કે ઇલોન મસ્કે પહેલી વાર ટેલર સ્વિફ્ટને ટાર્ગેટ નથી કરી. કમલા હેરિસને સપોર્ટ કરવા બદલ પણ ઇલોન મસ્ક દ્વારા ટેલર સ્વિફ્ટ પર ટીકા કરવામાં આવી હતી.

આ પણ વાંચો: જિયો, એરટેલ અને BSNL યુઝર્સ માટે સારા સમાચાર: સિગ્નલ વગર પણ કરી શકશે કોલ

ઇલોન મસ્કનો રિસ્પોન્સ

ઇલોન મસ્ક દ્વારા તેની જે ટીકા કરવામાં આવી રહી છે એના પર વધુ ધ્યાન નથી આપી રહ્યો. જોકે તે આ ટીકાઓની મજા લઈ રહ્યો છે. ઇલોન મસ્કે કહ્યું કે દરેક વ્યક્તિ હિટલર છે. આ સાથે જ તેણે ઘણાં પોલિટિશિયનના પણ હિટલરની સ્ટાઇલમાં પોઝ આપતાં ફોટો પણ શેર કર્યાં છે. ઇલોન મસ્કના સપોર્ટમાં પણ તેના ફેન્સ આવ્યા હતા. ઘણાં યુઝર્સે કહ્યું હતું કે તેણે જરૂર વિચિત્ર પોઝ આપ્યો હતો, પરંતુ એ નાઝી સેલ્યૂટ નહોતું. તેમ જ ઘણાં યુઝર્સે કહ્યું કે ‘સ્ટાર ટ્રેક’ના એક પાત્ર દ્વારા પણ આવો ઇશારો કરવામાં આવ્યો હતો અને ઇલોન મસ્ક ફિલ્મોનો મોટો ફેન હોવાથી તેણે એવો પોઝ આપ્યો હતો.