મિડલ-ઈસ્ટમાં યુદ્ધના કારણે પેટ્રોલ-ડીઝલના ભાવમાં લાગશે આગ! ક્રૂડ ઑઈલને લઈને ચિંતાજનક સમાચાર

Image: Freepik

Israel-Iran War: યુદ્ધ ભલે ઈઝરાયલ અને ઈરાનની વચ્ચે થઈ રહ્યું છે, પરંતુ તેની અસર સમગ્ર દુનિયા પર નજર આવી રહી છે. ભારત સુધી પણ આ આગ પહોંચી રહી છે. યુદ્ધની અસર મોંઘવારી પર પડતી નજર આવી રહી છે. મિડલ ઈસ્ટનો તણાવ હવે મોંઘવારી તરીકે આમ આદમી પર જોવા મળી રહ્યો છે. આ યુદ્ધના કારણે કાચા તેલના ભાવ વધવા લાગ્યા છે. ઓક્ટોબરમાં અત્યાર સુધી કાચા તેલની કિંમતમાં 12 ટકાનો ઉછાળો આવી ગયો છે.

યુદ્ધની અસર

આંતરરાષ્ટ્રીય સ્તરે ઈઝરાયલ અને ઈરાનની વચ્ચે વધતા તણાવના કારણે કાચા તેલની કિંમતોમાં ઓક્ટોબરમાં લગભગ 12 ટકાનો ઉછાળો જોવા મળ્યો છે. જો આવી જ સ્થિતિ રહી તો આગામી સમયમાં ભારત પર તેલ આયાતનું દબાણ વધવાની આશંકા છે. આ વર્ષે 30 સપ્ટેમ્બરે આંતરરાષ્ટ્રીય બજારમાં બ્રેંટ ક્રૂડની કિંમત 71.81 ડોલર પ્રતિ બેરલ હતી જે 7 ઓક્ટોબરે વધીને 80 ડોલર પ્રતિ બેરલને પાર પહોંચી ગઈ.

કાચા તેલની કિંમત 

જોકે ઓપેકના સભ્ય દેશો અને રશિયા તથા અમુક અન્ય પેટ્રોલિયમ ઉત્પાદક દેશોના આ વર્ષે ડિસેમ્બરથી ઉત્પાદન વધવાની આશા છે. આનાથી આ વર્ષના અંત સુધી થોડી રાહત મળવાની આશા છે. હમાસ અને હિઝબુલ્લાહ વિરુદ્ધ ઈઝરાયલની કાર્યવાહીમાં હવે ઈરાનના ઈઝરાયલ વિરુદ્ધ ઊભા થવાથી કાચા તેલની કિંમતોમાં તેજી આવી રહી છે. ઈરાન સહિત પશ્ચિમ એશિયાના દેશ પેટ્રોલિયમના મોટા નિકાસકાર છે. આ ક્ષેત્રમાં લડત વધવાનો અર્થ છે પુરવઠા પક્ષ પર નકારાત્મક પ્રભાવ. તેનાથી કાચા તેલના ભાવ વધી રહ્યાં છે.

કાચા તેલના ભાવ વધવાની ભારત પર ગાઢ અસર પડશે કેમ કે દેશના આયાતમાં સૌથી મોટો ભાગ પેટ્રોલિયમ અને કાચા તેલનો છે. સરકારી આંકડા અનુસાર નાણાકીય વર્ષ 2024-25માં એપ્રિલથી ઓગસ્ટ સુધી આ એસ્ટ્રસમાં 6,37,976.02 કરોડ રૂપિયાની આયાત કરવામાં આવી. આ છેલ્લા નાણાકીય વર્ષના સમાન સમયગાળાની તુલનામાં 10.77 ટકા વધુ છે.

ભારતની નિર્ભરતા

ભારત શુદ્ધરીતે પેટ્રોલિયમ આયાતક દેશ છે એટલે કે કાચા તેલ અને એલએનસી-પીએનજી જેવા ઉત્પાદનો માટે આપણે આયાત પર નિર્ભર રહીએ છીએ. જોકે સરકાર ઉર્જાના બીજા વિકલ્પોને અપનાવીને આયાત પર નિર્ભરતા ઘટાડવાનો પ્રયત્ન કરી રહી છે પરંતુ હાલ આવું શક્ય જોવા મળી રહ્યું નથી.