કેનેડા માટે વિઝા એપ્લિકેશનને લઈને લોકોમાં ડર, 40 ટકાએ અરજી મોકૂફ રાખવાની કરી વિનંતી
સ્ટુડન્ટ અને ટુરિસ્ટ વિઝાના લોકોમાં સૌથી વધુ ડર
કેનેડા અને ભારત વચ્ચે વિવાદ વધતો જઈ રહ્યો છે. નિજ્જર હત્યા કેસ મામલે બંને દેશો વચ્ચેના સંબંધો વણસ્યા છે. આ દરમિયાન તણાવને કારણે ઈમિગ્રેશન સેન્ટરો નવી સમસ્યાઓનો સામનો કરી રહ્યા છે. કેનેડા જવા માટે અરજી (Canada visa application) કરનારા લોકો હવે તેને પેન્ડિંગ રાખવા માટે પ્રયાસ કરી રહ્યા છે. ઈમિગ્રેશન સેન્ટર ઓપરેટરોના જણાવ્યા અનુસાર, 40 ટકા લોકોએ અરજી મોકૂફ રાખવાની વિનંતી કરી છે.
એક્સપર્ટ ઈમિગ્રેશન એન્ડ એજ્યુકેશન સર્વિસના એક કર્મચારીના કહેવા પ્રમાણે હાલની પરિસ્થિતિને જોતા દરરોજ ઘણા ફોન આવી રહ્યા છે. લોકોને વિશ્વાસ છે કે, આવી તણાવપૂર્ણ પરિસ્થિતિઓ લાંબો સમય નહીં ચાલે, તેથી જ તેઓ વિઝા અરજીને અમુક સમય માટે જ પેન્ડિંગ રાખવા માગે છે. જેમાં સ્ટુડન્ટ અને ટુરિસ્ટ વિઝા ધરાવતા લોકોનો સમાવેશ થાય છે.
બ્રેકિંગ ન્યૂઝ, મહત્વની ખબરો અને રસપ્રદ Video માટે જોઈન કરો ગુજરાત સમાચારની WHATSAPP CHANNEL. જોઈન કર્યા બાદ Bell Icon ખાસ ઓન કરજો, જેથી તમને મહત્વની Notification મળતી રહે.