વ્હાઇટ હાઉસમાં ઝેલેન્સ્કીને ભોજન-પાણી પણ ન મળ્યું, 1 કલાક રાહ જોઈ પછી જવાબ આવ્યો- તમે જઈ શકો છો
Updated: Mar 1st, 2025
Trump - Zelenskyy Clash: યુક્રેનના રાષ્ટ્રપતિ વોલોદીમિર ઝેલેન્સકીની શુક્રવારે ડોનાલ્ડ ટ્રમ્પ સાથેની મુલાકાત સંપૂર્ણ નિષ્ફળ રહી હતી. ઓવલ ઓફિસમાં ટ્રમ્પ સાથેની દલીલ બાદ ઝેલેન્સકીને વ્હાઇટ હાઉસ છોડવાનું કહેવામાં આવ્યું હતું. તેમજ આ બેઠકના મુદ્દાઓ એટલે કે રશિયા-યુક્રેન યુદ્ધ અને અમેરિકા સાથે ખનિજ ડીલ પર કોઈ ચર્ચા થઈ શકી નથી. યુક્રેનના રાષ્ટ્રપતિને અત્યંત ખરાબ વાતાવરણમાં વ્હાઇટ હાઉસ છોડવું પડ્યું. ઝેલેન્સ્કીને વ્હાઇટ હાઉસમાં ભોજન-પાણી પણ મળ્યું ન હતું. આ ઘટનાક્રમથી અમેરિકા અને યુક્રેન વચ્ચેના સંબંધોમાં તણાવ પેદા થયો છે.
ઝેલેન્સકીએ વ્હાઇટ હાઉસનું અપમાન કર્યું
ઝેલેન્સકીની મુલાકાતનું વાતાવરણ કેટલું ખરાબ હતું તેનો અંદાજ એ વાત પરથી લગાવી શકાય છે કે વ્હાઇટ હાઉસ છોડ્યા બાદ તેણે તેના બે જાહેર કાર્યક્રમો રદ કર્યા હતા. X પર અમેરિકાનો આભાર માનતા તેમણે લખ્યું કે યુક્રેનને કાયમી શાંતિની જરૂર છે અને અમે તેના માટે કામ કરી રહ્યા છીએ. અધિકારીઓનું કહેવું છે કે ઝેલેન્સ્કી વ્હાઈટ હાઉસમાંથી ભોજન લીધા વગર પરત ફર્યા હતા.
જ્યારે ઝેલેન્સકી શાંતિ માટે તૈયાર હોય ત્યારે જ પાછા આવે
ટ્રમ્પે બેઠક બાદ કહ્યું કે, 'ઝેલેન્સકીએ ઓવલ ઓફિસનું અપમાન કર્યું છે. જ્યારે તે શાંતિ માટે તૈયાર હોય ત્યારે તેઓ પાછા આવી શકે છે. વ્હાઇટ હાઉસના એક વરિષ્ઠ અધિકારીએ કહ્યું કે અમારી યોજના ખનિજ સોદા પર હસ્તાક્ષર કરવાની હતી અને શાંતિ તરફ આગળ વધવા માટે આર્થિક ભાગીદારી શરૂ કરવાની હતી.
ટ્રમ્પ અને ઝેલેન્સ્કી વચ્ચે ઉગ્ર બહેસની અપેક્ષા
અમેરિકી અધિકારીઓને શંકા તો હતી જ કે ખનિજ સોદા પર વાટાઘાટો દરમિયાન ટ્રમ્પ અને ઝેલેન્સકી વચ્ચે તણાવ થઈ શકે છે. જો કે, આ રીતે બંને નેતાઓ વચ્ચે ટક્કર થશે એવી કોઈને ધારણા હતી નહી. વાઇસ પ્રેસિડેન્ટ વેન્સ પણ બોર્ડ પર જમ્પ કરશે. આ ચર્ચા પછી અમેરિકાએ યુક્રેનને સૈન્ય સમર્થન પાછું ખેંચવાની ચર્ચા પણ શરૂ કરી દીધી છે.
