હવામાં ઉડતો મહેલ છે ડોનાલ્ડ ટ્રમ્પનું પ્રાઈવેટ જેટ, પૌત્રીએ જ વીડિયોમાં વિમાનની બતાવી ઝલક

Donald Trump Private Jet: ડોનાલ્ડ ટ્રમ્પનું પ્રાઇવેટ જેટ બોઇંગ 757-200 પોતાની શાનદાર લક્ઝરી અને ખાસ પ્રકારની સોનાની સજાવટ માટે પ્રખ્યાત છે. આ વિમાનની વિશેષતામાંથી એક વિશેષતા એ પણ છે કે, તેના માસ્ટર બાથરૂમમાં સોનાની પરત ચઢેલું સિન્ક અને અંદરના ભાગમાં સોનાની પરત ચઢાવેલી ફિટિંગ્સ સામેલ છે. સામાન્ય લોકો હંમેશા આ વિમાનની અંદરનો નજારો જોવા ઉત્સાહિત હોય છે.

હાલમાં જ ડોનાલ્ડ ટ્રમ્પની પૌત્રી કાઈ ટ્રમ્પે પોતાના દાદાના પ્રાઇવેટ જેટ 'ફોર્સ વન'ની એક ઝલક શેર કરી છે. સ્પેસએક્સનું રૉકેટ લોન્ચ જોવા માટે જતા સમયે આ શાનદાર જેટનો અંદરનો નજારો બતાવતો વીડિયો શેર કર્યો છે. 

આ પણ વાંચોઃ ડોનાલ્ડ ટ્રમ્પ સરકારમાં વધુ એક ભારતવંશીની પસંદગી, જય ભટ્ટાચાર્યને NIHમાં મહત્ત્વપૂર્ણ પદ અપાયું

શેર કર્યો લક્ઝરી જેટનો વીડિયો

કાઈના વ્લોગમાં ટ્રમ્પના જેટનો લક્ઝરી નજારો જોવા મળી રહ્યો છે. વીડિયોમાં ફ્લેટ-સ્ક્રીન ટેલિવિઝન, આરામદાયક સોફા અને એક અલગ બેડરૂમ જોવા મળે છે. પ્રાઇવેટ જેટ અંદરથી એક મહેલ જેવું દેખાય છે. વળી, આ જેટની સીટ 24 કેરેટ ગોલ્ડથી તૈયાર કરવામાં આવી છે. લાઉન્ઝમાં ફુલ સિનેમા એન્ટરટેઇનમેન્ટ સિસ્ટમ પણ લગાવવામાં આવી છે.

સ્પેસએક્સના લૉન્ચનો અનુભવ

કાઈ, જો ડોનાલ્ડ જૂનિયર અને વેનેસાની દીકરી છે. તે બ્રાઉનસવિલેમાં ઈલોન મસ્કનું સ્ટારશિપ રૉકેટ લૉન્ચ જોવા ગઈ હતી. આ પહેલાં તેણે ઈલોન મસ્કને 'અંકલ' કહેતા એક પોસ્ટ પણ શેર કરી હતી.

આ પણ વાંચોઃ ડૉનાલ્ડ ટ્રમ્પે ચીન ઉપર ભારે આયાત કર લગાડવા શપથ લીધા : ચીને વળતો ફટકો મારવા સામે કહી દીધું

મળતી માહિતી મુજબ, ડોનાલ્ડ ટ્રમ્પનું આ જેટ ન ફક્ત સુવિધાજનક છે. પરંતુ, તેની અંદરની સજાવટ તેને વધારે ખાસ બનાવે છે. આ જેટના ઇન્ટિરિયરમાં સોનાની પરત ચઢાવેલું ફિટિંગ્સ છે, જે તેને ખૂબ જ ખાસ અને આલિશાન બનાવે છે. ખાસ કરીને માસ્ટર બાથરૂમમાં સોનાની પરતવાળું સિન્ક તેની લક્ઝરીને વધારે છે. જેટમાં ફ્લેટ-સ્ક્રિન ટીવી, આલિશાન સોફા અને એક પ્રાઇવેટ બેડરૂમ જેવી સુવિધા પણ હાજર છે. જેટની અંદર દીવાલ અને ફર્નિચરમાં મોંઘા લાકડા અને ગોલ્ડન થીમનો ઉપયોગ કરવામાં આવ્યો છે. ટ્રમ્પના આ જેટને 'ટ્રમ્પ ફોર્સ વન' પણ કહેવામાં આવે છે.