બ્રાઝિલમાં મોટી વિમાન દુર્ઘટના સર્જાઈ, 14નાં મોત, મૃતકોમાં અમેરિકી નાગરિક સામેલ હોવાનો દાવો

બ્રાઝિલના અમેઝોનમાં એક વિમાન દુર્ઘટનાગ્રસ્ત થયાના અહેવાલ સામે આવ્યા છે. આ દુર્ઘટનામાં ઓછામાં ઓછા 14 લોકોના મોતની માહિતી છે. ઘટના અમેઝોનના બાર્સેલોસ પ્રાંતમાં બની હતી. અમેઝોનસના ગવર્નર વિલ્સન લીમાએ આ મામલે માહિતી આપતા કહ્યું કે અમારે ભારે દુઃખ સાથે જણાવવું પડી રહ્યું છે કે શનિવારે બાર્સેલોસમાં આ વિમાન દુર્ઘટનામાં બે ક્રૂ મેમ્બર્સ સહિત કુલ 14 લોકોના મોત નીપજ્યાં હતાં. મારી સંવેદનાઓ પીડિત પરિવારની સાથે છે. 

#Brazil plane crash: 14 dead as aircraft full of American tourists plunges near Amazon.
Several American tourists are among the dead after the small plane crashed over the municipality of Barcelos.
A plane carrying 14 people crashed while flying over Brazil, killing everyone on… https://t.co/4J4HrxfrZY pic.twitter.com/oE3jAPQn9P

— Cannot be Without Memes (@cannot_meme) September 17, 2023

મૃતકોમાં અમેરિકી નાગરિકો સામેલ હોવાની આશંકા 

આ વિમાન મેનુઆસ એરોટેક્સી એરલાઈન્સનું હતું. કંપનીએ આ મામલે નિવેદન જાહેર કરીને આ દુર્ઘટનાની પુષ્ટી કરતાં કહ્યું કે અમે આ મામલે તપાસ કરી રહ્યા છીએ. હજુ આ મામલે વધુ વિગતોની રાહ જોવાઈ રહી છે. નિવેદનમાં જણાવાયું કે અમે આ મુશ્કેલ ઘડીમાં પીડિત લોકોની પ્રાઈવસીનું સન્માન કરીએ છીએ. અમે તપાસ સાથે જરૂરી માહિતીઓ ઉપલબ્ધ કરાવતા રહીશું. અમુક અહેવાલોમાં મૃતકોમાં અમેરિકી નાગરિક સામેલ હોવાનો દાવો કરાયો છે પણ હજુ સુધી આ દાવાની પુષ્ટી થઈ શકી નથી.