અમેરિકામાં ભારતીય વિદ્યાર્થીઓએ ધડાધડ પાર્ટ ટાઇમ કામ છોડી રહ્યા છે! જાણો શું છે ડર

US Immigration Policy: અમેરિકામાં રહેતા ભારતીય વિદ્યાર્થીઓ વધારાની આવક મેળવવા માટે કૉલેજ પછી પાર્ટ ટાઇમ જોબ પણ કરે છે. પરંતુ હવે દેશનિકાલના ડરથી તેણે પોતાનું કામ છોડી દીધું છે.

મીડિયા રિપોર્ટ્સ અનુસાર આમાંથી કેટલાક વિદ્યાર્થીઓએ કહ્યું કે આવી પાર્ટ ટાઇમ નોકરીઓ યુએસમાં ટકી રહેવા માટે ખૂબ જ મહત્ત્વપૂર્ણ છે, ખાસ કરીને જ્યારે અમેરિકન કૉલેજમાં સીટ મેળવવા માટે મોટી ફી ચૂકવી હોય, પણ હવે તેના માટે અમે અમારું ભવિષ્ય જોખમમાં મૂકી શકતા નથી.

માત્ર 20 કલાક કામ કરવાની પરવાનગી

યુએસ રેગ્યુલેશન F-1 વિઝા પરના આંતરરાષ્ટ્રીય વિદ્યાર્થીઓને કેમ્પસમાં અઠવાડિયામાં 20 કલાક સુધી કામ કરવાની મંજૂરી આપે છે. જો કે, ઘણા વિદ્યાર્થીઓ ભાડું, કરિયાણા અને અન્ય ખર્ચાઓને આવરી લેવા માટે રેસ્ટોરન્ટ્સ, ગેસ સ્ટેશન અથવા છૂટક સ્ટોર્સમાં કેમ્પસની બહાર અને ડૉક્યુમેન્ટ્સ વગર કામ કરે છે.

હવે, નવા વહીવટીતંત્ર દ્વારા નવી ઇમિગ્રેશન નીતિઓને કડક બનાવવા અને કડક નિયમો લાગુ કરવાના સંકેતો સાથે, વિદ્યાર્થીઓ તેમના ભવિષ્યને જોખમમાં મૂકવા માટે તૈયાર નથી. વિદ્યાર્થીઓને દેશનિકાલનો ભય સતાવી રહ્યો છે. આથી તેઓ આવી નોકરીઓ છોડી રહ્યા છે.

આ પણ વાંચો: જ્હોન એફ કેનેડી અને માર્ટિન લ્યૂથર કિંગ જૂનિયરની હત્યાના રહસ્યો ખૂલશે, ટ્રમ્પનું નવું ફરમાન

હાલ વિદ્યાર્થીઓ બચત પર આધારિત 

વિદ્યાર્થીઓએ કહ્યું કે તેઓ થોડા મહિનાઓ પછી પરિસ્થિતિનું પુન: મૂલ્યાંકન કરશે અને પછી નક્કી કરશે કે કામ ફરી શરુ કરવું કે નહીં. આ દરમિયાન, તેઓ તેમના ખર્ચાઓને પહોંચી વળવા માટે તેમની બચત અથવા ભારતમાં તેમના મિત્રો અને પરિવાર પાસેથી ઉધાર લેવા પર આધાર રાખે છે. આ અનિશ્ચિતતાએ માનસિક સ્વાસ્થ્યની ચિંતાઓને પણ જન્મ આપ્યો છે અને કેટલાક વિદ્યાર્થીઓ નાણાકીય અને ભાવનાત્મક તણાવ અનુભવી રહ્યા છે.