હોલિવૂડના 'અચ્છે દિન'! ટ્રમ્પે ફિલ્મ સ્ટાર્સને ટીમમાં સામેલ કર્યા, દિગ્ગજોને બનાવ્યાં વિશેષ રાજદૂત

Donald Trump Oath Ceremony 2025: અમેરિકાના નવા ચૂંટાયેલા પ્રમુખ ડોનાલ્ડ ટ્રમ્પ સોમવારે (20મી જાન્યુઆરી) પ્રમુખ પદના શપથ લેવાની તૈયારી કરી રહ્યા છે. આ દમિયાન તેમણે પોતાની ફિક્સ-ઇટ યાદીમાં હોલિવૂડનો ઉમેરો કર્યો છે. તેમણે મેલ ગિબ્સન, સિલ્વેસ્ટર સ્ટેલોન અને જોન વોઈટને હોલિવૂડમાં પોતાના ખાસ રાજદૂત તરીકે નિયુક્ત કર્યા છે.

'હોલિવૂડનો સુવર્ણ યુગ'

ડોનાલ્ડ ટ્રમ્પે ટ્રુથ સોશિયલ મીડિયા પ્લેટફોર્મ પર પોસ્ટ કરીને લખ્યું હતું કે, 'મારો ધ્યય હોલિવૂડને પાછું લાવવાનું છે. જેણે છેલ્લા 4 વર્ષમાં વિદેશમાં ઘણો વ્યવસાય ગુમાવ્યો છે, તે પહેલા કરતા પણ મોટો, સારો અને મજબૂત છે!' ટ્રમ્પનો અભિનેતાને તેમના પસંદ કરેલા 'રાજદૂત' તરીકે પસંદ કરવાનો નિર્ણય 1980 અને 90 ના દાયકામાં તેમની વ્યસ્તતા પર ભાર મૂકે છે.

તાજેતરમાં આ મહત્ત્વપૂર્ણ પદો પર નિમણૂકોની પણ જાહેરાત કરાઈ

આ મહિનાની શરૂઆતમાં ડોનાલ્ડ ટ્રમ્પે તેમની વ્હાઇટ હાઉસ ટીમમાં કેટલીક મહત્ત્વપૂર્ણ નિમણૂકોની જાહેરાત કરી હતી, જેમાં સ્ટેનલી ઇ વુડવર્ડને પ્રમુખના સહાયક અને વિશેષ ફરિયાદી તરીકે, રોબર્ટ ગ્રેબીએલ જુનિયરને રાષ્ટ્રપતિના નીતિ સલાહકાર તરીકે અને નિકોલસ એફ લુનાને વ્યૂહાત્મક સ્ટાફ તરીકે નિયુક્ત કરવામાં આવ્યા હતા.આ ઉપરાંત વિલિયમ બ્યુ હેરિસનને ડેપ્યુટી ચીફ ઓફ સ્ટાફ ઓપરેશન્સ તરીકે નિયુક્ત કરવામાં આવ્યા હતા.

આ પણ વાંચો: અમેરિકામાં 40 હજારથી વધુ ગુજરાતી ગેરકાયદે ઘૂસ્યાં, 13%ને આશ્રય મળશે બાકીના પાછા ભારત મોકલાશે

ઉલ્લેખનીય છે કે, ડોનાલ્ડ ટ્રમ્પ 20મી જાન્યુઆરીએ અમેરિકાના 47મા રાષ્ટ્રપતિ તરીકે શપથ લેશે. નવેમ્બર 2024માં અમેરિકામાં પ્રમુખ પદની ચૂંટણીમાં ટ્રમ્પે ડેમોક્રેટિક ઉમેદવાર કમલા હેરિસને હરાવીને પ્રચંડ વિજય મેળવ્યો હતો.