VIDEO | આકાશમાં અધવચ્ચે વિમાનનો કાચ તૂટ્યો, 174 મુસાફરોના જીવ તાળવે ચોંટ્યા, જુઓ શું થયું

US Plane News | અમેરિકાની અલાસ્કા એરલાઇન્સના એક વિમાનમાં એવી ઘટના બની કે 174 યાત્રીઓના જીવ આકાશમાં અધવચ્ચે જ જોખમમાં મૂકાઈ ગયા હતા. ઘટના એવી હતી કે ચાલુ ઉડાન દરમિયાન જ હવામાં જ વિમાનનો કાચ તૂટી ગયો હતો. જેના લીધે ફ્લાઈટમાં હડકંપ મચી ગયું. જોકે સદભાગ્યે પાયલોટની સમજને કારણે અમેરિકાના ઓરેગોનમાં વિમાનની ઈમરજન્સી લેન્ડિંગ કરાવવામાં સફળતા મળી. 

એરલાઇન્સે આપી માહિતી 

જોકે હજુ સુધી એ સ્પષ્ટ થયું નથી કે આ ઘટનામાં કેટલા લોકો ઘાયલ થયા હતા. જે સમયે આ ઘટના બની ત્યારે વિમાનમાં 174 મુસાફરો અને 6 ક્રૂ મેમ્બર સવાર હતા. એરલાઇન્સે કહ્યું કે અમે આ ઘટનાની તપાસ કરી રહ્યા છીએ. અલાસ્કા એરલાઇન્સની ફ્લાઈટ નંબર 1282માં આ ઘટના બની હતી. જોકે આ વિમાનનું પોર્ટલેન્ડ ઈન્ટરનેશનલ એરપોર્ટ પર સફળતાપૂર્વક ઈમરજન્સી લેન્ડિંગ કરાવાયું હતું.  સોશિયલ મીડિયા પર આ ઘટનાનો વીડિયો પણ વાયરલ થઇ રહ્યો છે જેમાં વિમાનમાં બેસેલા લોકો દેખાઈ રહ્યા છે અને બારીનો એક હિસ્સો તૂટી ગયેલો પણ દેખાય છે.