વિશ્વ ધરોહર ગણાતું સરોવર જ્યાં છે પૃથ્વી પરના 20% મીઠા પાણીનું સંગ્રહ, કુદરતી સૌંદર્યનો છે ભંડાર

Lake Baikal News | સાઇબેરિયાના દક્ષિણ વિસ્તારમાં આવેલા બૈકલ સરોવરમાં વિશ્વના કુલ મીઠા પાણીના 20 ટકા સંગ્રહ થયેલો છે. આ સરોવરનું કુલ ક્ષેત્રફળ 12000 વર્ગ મીલ અને ઉંડાઇ ૫૩૧૫ ફૂટ જેટલી છે.જેટલું છે.આ પર્યટન સ્થળ મંત્રમુગ્ધ કરી દેતા અદ્ભૂત કુદરતી સૌદર્યથી ભરેલું છે. 848 જેટલી વનસ્પતિ અને જીવોની અનેક પ્રજાતિઓ છે જે વિશ્વમાં માત્ર બૈકલ સરોવરમાં જ જોવા મળે છે.જેમાં સાંભળી નહી શકિત બૈકાલ સીલ માછલી અને ઓમુલ માછલી પણ જોવા મળે છે. યુનેસ્કોએ 1996માં બૈકલ સરોવરને વિશ્વની ધરોહર જાહેર કર્યુ હતું.

જયારે ૨૦૦૮માં બૈકલને કુદરતીની અજાયબીઓમાં પણ સામેલ કરવામાં આવ્યું છે.રશિયાના આ બૈકલ સરોવરમાં પર્યટકો ઉપરાંત સંશોધક વૈજ્ઞાાનિકો પણ આવે છે.ઓગસ્ટમાં  આ સરોવર આસપાસનું હવામાન ખૂબજ સાનુકૂળ હોવાથી પ્રવાસીઓ તંબૂ તાણીને આરામ પણ કરી શકે છે.શિયાળામાં થિજી ગયેલા સરોવરની સપાટી પર લોકો ડોગ સ્લેગનો આનંદ માણે છે.કેટલાક સાહસિકો થિજેલા બરફમાં છેદ પાડીને માછલી પણ પકડે છે. આ ઉપરાંત રશિયન શૈલીમાં તૈયાર કરવામાં આવતા પરંપરાગત હમામઘરમાં લોકો વરાળ સ્નાન લે છે.

આ સરોવરનો નજારો ટ્રાન્સ સાયબેરિયાથી રેલવે મુસાફરી દ્વારા ઇર્કુત્સ્કનગર પહોંચીને માણી શકાય છે.બૈકલ સરોવરના  27 જેટલા દ્વીપો છે જેમાંથી અલ્ખોન સૌથી મોટો છે.આઅલ્ખૌન દ્રીપ પર 1500 લોકો દુનિયાની સમસ્યાઓથી પર થઇને કુદરતી વાતાવરણમાં જીવે છે.આમ પણ સાઇબેરિયાના લોકો દિવસ રાત પ્રકૃતિના સાનિધ્યમાં રહેતા હોવાથી તેવો બાકીના રશિયનો કરતા જુદા પડે છે.નવાઇની વાત તો એ છે કે સરકારે અહીંયા પણ વીજળી પહોંચતી કરી છે.અલખૌનમાં બુર્યાત જાતિના સ્થાનિક લોકો શમાનકા નામના પથ્થરની પૂજા કરે છે.અહીં આવતા પ્રવાસીઓ પણ સ્થાનિકોની શ્રધ્ધાનું સર્મથન કરે છે.