તડકામાં બહાર નીકળો તો લૂથી બચવા જરૂર કરો આ કામ: સરકારે જાહેર કરી એડવાઇઝરી

Image: Freepik

Heat Wave: દેશના મોટાભાગના રાજ્યોમાં અત્યારે ભીષણ ગરમી પડી રહી છે. ઘણી જગ્યાએ પારો 40થી 45 ડિગ્રીની નજીક નોંધાઈ રહ્યો છે. હવામાન વિભાગ અનુસાર દિલ્હી-એનસીઆર સહિત ઉત્તર ભારતના ઘણા રાજ્યોમાં આગામી થોડા દિવસ સુધી લૂ જેવું રહેશે. આવા હવામાનમાં મોટાભાગના લોકો બીમાર ના પડે તેને જોતા ડિઝાસ્ટર મેનેજમેન્ટ ઓથોરિટીએ હીટવેવથી બચાવ માટે શું કરવુ, શું ન કરવુની એડવાઈઝરી જાહેર કરી છે.

લૂ ની સ્થિતિમાં કરો આ કામ

ડિઝાસ્ટર મેનેજમેન્ટ ઓથોરિટીએ ભીષણ લૂ થી બચવા માટે લોકોને ઘરેથી બહાર નીકળતી વખતે તડકામાં ચશ્મા, છત્રી, ટોપી અને ચપ્પલનો ઉપયોગ કરવાનું કહ્યું છે. જો તમે ખુલ્લામાં કાર્ય કરો છો તો માથું, ચહેરો, હાથ, પગને ભીના કપડાથી ઢાંકીને રાખો. તડકાથી બચવા માટે છત્રીનો ઉપયોગ કરો. વધુ પાણી પીવો. સૂતરાઉ વસ્ત્ર પહેરો. લૂ થી પ્રભાવિત વ્યક્તિ/મહિલાને છાયડામાં સૂવડાવીને સૂતરાઉ ભીના કપડાથી લૂછો અને તાત્કાલિક ડોક્ટરનો સંપર્ક કરવાનો આદેશ આપવામાં આવ્યો છે.

ડિઝાસ્ટર મેનેજમેન્ટ ઓથોરિટીએ ઘરમાં બનેલા પીણા જેમ કે લસ્સી, કેરી પના, ચોખાનું પાણી, લીંબુ પાણી, છાશ વગેરેનો ઉપયોગ કરવાની સલાહ આપી છે. જેનાથી શરીરમાં પાણીની ઉણપને ઘટાડી શકાય. હીટ સ્ટ્રોક, હીટ રેશ, હીટ કેમ્પના લક્ષણો જેમ કે કમજોરી, ચક્કર આવવા, માથાનો દુખાવો, ઉબકા, પરસેવો આવવો, બેભાન અવસ્થાને ઓળખો અને તાત્કાલિક ડોક્ટરનો સંપર્ક કરો. પોતાના ઘરને ઠંડુ રાખો. પડદા, દરવાજા વગેરેનો ઉપયોગ કરો. પંખા, ભીના કપડાનો ઉપયોગ કરો અને વારંવાર સ્નાન કરો. કાર્યસ્થળ પર પીવાનું ઠંડુ પાણી રાખો.

હીવ વેવ/લૂ માં શું ન કરવું

જાણકારો અને બાળકોને ક્યારેય પણ બંધ ગાડીઓમાં એકલા ન મૂકો. બપોરે 11થી 04 વાગ્યાની વચ્ચે તડકામાં જવાનું ટાળો. સૂર્યના તાપથી બચવા માટે જ્યાં સુધી શક્ય હોય ઘરના નીચેના માળે રહો. ઘાટા રંગના ભારે તથા ચુસ્ત વસ્ત્ર ન પહેરો. જ્યારે બહારનું તાપમાન વધારે હોય ત્યારે શ્રમવાળું કાર્ય ન કરો. વધારે પ્રોટીન તથા વાસી અને સંક્રમિત ખાદ્ય અને પીણા પદાર્થોનું સેવન ટાળો.