અલ્ટ્રા પ્રોસેસ્ડ ફૂડ ખાનારા લોકોથઇ જાઓ સાવધાન, મેન્ટલ ડિસઓર્ડરનો ખતરો

IMAGE:FREEPIK

નવી દિલ્હી,તા. 2 જાન્યુઆરી 2024, મંગળવાર 

અલ્ટ્રા પ્રોસેસ્ડ ફૂડ સ્વાસ્થ્ય માટે જોખમી છે. આ પ્રકારના ખોરાકને પચાવવામાં શરીરને ઘણો સમય લાગે છે. આ ખોરાક પેટમાં સડી શકે છે અને એસિડિટી અને સ્થૂળતા જેવી સમસ્યાઓ પેદા કરી શકે છે. આ ફુડ બને એટલું ન લેવું જોઇએ.

એક સંશોધન પ્રમાણે, અલ્ટ્રા પ્રોસેસ્ડ ફૂડના સેવનથી ડિપ્રેશનનું જોખમ અનેકગણું વધી જાય છે. અમેરિકન NGO Sapien Labs એ વૈશ્વિક સ્તરે એક સર્વે હાથ ધર્યો છે. જેમાં 26 દેશોના દરેક વયજૂથના 3 લાખ લોકોને સામેલ કરવામાં આવ્યા હતા. આ સર્વેમાં ભારતના લગભગ 30 હજાર લોકોને સામેલ કરવામાં આવ્યા હતા. 

આ રિસર્ચમાં જાણવા મળ્યું કે, જે લોકો દિવસમાં ઘણી વખત અલ્ટ્રા પ્રોસેસ્ડ ફૂડ ખાય છે તેમને માનસિક સમસ્યાઓ થવાની શક્યતા વધુ હોય છે.

મેંટલ હેલ્થ એક્સપર્ટ પ્રમાણે અલ્ટ્રા પ્રોસેસ્ડ ફૂડ ડિપ્રેશનમાં વધારો કરે છે. આ ખોરાક આપણા મગજ અને શરીરને નુકસાન પહોંચાડે છે. તેનાથી મૂડ સ્વિંગ અને ડિપ્રેશન જેવી માનસિક સમસ્યાઓ થઈ શકે છે. તેથી તાજા ફળો, શાકભાજી, દહીં, કઠોળ, બદામ અને બીજનું બને એટલું વધુ સેવન કરવું જોઈએ. તેમાં ઓમેગા ફેટી-3 એસિડ અને વિટામિન ઇ જેવા તત્વો હોય છે. જે બ્રેનને ઓબ્સેસિવ સ્ટ્રેસથી બચાવવાનું કામ કરે છે. 

અલ્ટ્રા પ્રોસેસ્ડ ફૂડ શું છે?

જે ખોરાક અત્યંત પ્રોસેસ્ડ રીતે બનાવવામાં આવે છે તેને અલ્ટ્રા પ્રોસેસ્ડ ફૂડ કહેવામાં આવે છે. તેમાં બ્રેડ, બિસ્કીટ, કાર્બોનેટેડ પીણાં, પેકેજ્ડ ચિપ્સ, નાસ્તો, મીઠાઈઓ અને ગરમી અને ખાદ્ય પદાર્થોનો સમાવેશ થાય છે. આજકાલ આ વસ્તુઓ બિનઆરોગ્યપ્રદ જીવનશૈલીમાં સામેલ થઈ ગઈ હોવાથી, અલ્ટ્રા પ્રોસેસ્ડ ફૂડનો દરરોજ કોઈને કોઈ રીતે ઉપયોગ કરવામાં આવે છે.

અલ્ટ્રા પ્રોસેસ્ડ ફૂડ એન્ડ મેન્ટલ હેલ્થ

આ સંશોધનમાં જાણવા મળ્યું કે, અલ્ટ્રા પ્રોસેસ્ડ ફૂડ ખાવાથી ડિપ્રેશન જેવી માનસિક સમસ્યાઓ વધે છે. જેના કારણે વ્યતક્તિને ઉદાસી, તણાવ અને નિરાશા જેવી સમસ્યાઓ જોવા મળે છે. 18 થી 24 વર્ષની વયના લોકોમાં તેનું જોખમ વધારે જોવા મળ્યું છે. કારણ કે આ ઉંમરના લોકો જ આવો ખોરાક વધુ ખાય છે. 

1. માનસિક સ્વાસ્થ્ય માટે, વ્યક્તિએ પ્રોસેસ્ડ ફૂડનું સેવન ટાળવું જોઈએ.

2. ઉત્પાદિત ખોરાક ખાવાથી હાઈ બ્લડ પ્રેશર, ડાયાબિટીસ, સ્થૂળતા જેવી સમસ્યાઓ પણ થઈ શકે છે. તેથી, આહાર વિશે વિશેષ કાળજી લેવી જોઈએ.

3. તમારા આહારમાં આખા અનાજ, લીલા શાકભાજી, ડેરી ઉત્પાદનો અને ફળોનો સમાવેશ કરો.