વડોદરા નજીક ખાંધા ગામે તળાવમાં યુવક ડૂબતા ફાયર બ્રિગેડની મદદ લીધી

Vadoadra Youth Drowning : વડોદરા નજીક કરજણ તાલુકામાં આજે સવારે એક યુવક તળાવમાં ડૂબી જતા વડોદરા ફાયર બ્રિગેડની મદદ લેવામાં આવી છે. 

બનાવની પ્રાથમિક માહિતી મુજબ ખાંધા ગામે તળાવમાં એક યુવક ડૂબી ગયો હોવાની જાણ થતા તલાટી સરપંચ સહિતના આગેવાનો દોડી આવ્યા હતા.

ઉપરોક્ત બનાવને નજરે જોનાર કોઈ છે કે કેમ તેની તપાસ કરવામાં આવી રહી છે. યુવક કોણ છે તેની પણ હજી તંત્રને માહિતી મળી નથી. બનાવ અંગે વડોદરા ફાયર બ્રિગેડ તેમજ પોલીસને જાણ કરવામાં આવતા જીઆઇડીસી ફાયર બ્રિગેડ ની ટીમ મદદ માટે રવાના થઈ છે.