કલોલના પંચવટીમાં બાઈક અકસ્માતમાં યુવકનું મોત

ગોપાલનગર બોરીસણા રોડ પાસે ટેમ્પો ચાલકે બાઇકને ટક્કર મારતા અકસ્માત સર્જાયો

કલોલ :  કલોલના પંચવટી વિસ્તારમાં ગોપાલનગર બોરીસણા રોડ પાસે વાહન અકસ્માત સર્જાયો હતો અહીંથી પસાર થઈ રહેલા ટેમ્પો ના ચાલકે બાઇકને ટક્કર મારતા અકસ્માત થયો હતો જેમાં બાઇક ચાલક યુવકનું મોત નિપજ્યું હતું અને બાઈક પાછળ બેઠેલ યુવકને શરીરે ગંભીર ઇજાઓ પહોંચતા તેને સારવાર માટે હોસ્પિટલમાં ખસેડવામાં આવ્યો હતો બનાવ અંગે પોલીસે ગુનો દાખલ કરી તપાસ ચલાવી છે.

આ બાબતે મળતી વિગતો અનુસાર કલોલ તાલુકાના સઈજ ગામે સજનપુરામાં રહેતા વિજયજી પ્રવીણ જી ઠાકોર તેના મિત્ર ચિંતનકુમાર પ્રવિણસિંહ ચાવડા (રહે સઈજ ઉમિયા ચોક) સાથે એ બાઈક લઈને ગોપાલ નગર થી બોરીસણા તરફ જતા રોડ ઉપરથી પસાર થઈ રહ્યો હતો ત્યારે એ ટેમ્પો નંબર જીજે ૧૮ બી ટી ૭૬ ૩૮ ના ચાલકે તેનું ટેમ્પો  ગફલત ભરી રીતે  હંકારીને બાઈકને ટક્કર મારી હતી  અકસ્માતને પગલે લોકોનું ટોળું એકત્ર થઈ ગયું હતું અને અકસ્માત અંગે ૧૦૮ ને જાણ કરવામાં આવતા ૧૦૮ ની ટીમ દોડી આવી હતી અને ઘાયલ વિજયસિંહ પ્રવીણજી ઠાકોરને તપાસતા તે મરણ ગયેલ હોવાનું માલુમ પડયું હતું. તેમજ તેના મિત્ર ચિંતનકુમાર પ્રવિણસિંહ ચાવડાને ઇજાઓ પહોંચી હોવાથી તેને સારવાર માટે કલોલની ખાનગી હોસ્પિટલમાં ખસેડવામાં આવ્યો હતો અકસ્માત અંગે પોલીસે મૃતકના કાકા ગોવિંદજી ભલાજી ઠાકોરની ફરિયાદના આધારે અકસ્માત કરનાર ટેમ્પો ના ચાલક સામે ગુનો દાખલ કરી તપાસ ચલાવી છે.