વડોદરાના યુવાન નોકરી પર પહોંચે તે પહેલા મોત મળ્યું, રોડ પર અચાનક જ ગાય આવતા ફંગોળાયો

Vadodara Accident : વડોદરાના ન્યુ સમા રોડ વિસ્તારમાં આવેલી ગંગાસાગર સોસાયટીમાં રહેતા માર્ક સુશીલકુમાર મકવાણા ઉંમર વર્ષ 27 ગઈ રાત્રે હાલોલ ખાતે આવેલી હિટાચી કંપનીમાં નોકરી માટે પોતાની બાઈક લઈને જતો હતો ત્યારે વડોદરા હાલોલ રોડ પર જરોદ નજીક એક ગાય રોડ પર આવી જતા બાઈક ગાય સાથે અથડાઈ હતી. આ સાથે રોડ પર ફંગોળાયેલ માર્કને ગંભીર ઈજા થતાં સારવાર માટે નજીકની હોસ્પિટલમાં ખસેડતા તેનું મોત નિપજ્યું હતું.