વિદેશથી પણ ચોખ્ખું બનશે અમદાવાદ! વર્લ્ડકપ ફાઈનલના પગલે AMCનો મોટો નિર્ણય, દર બે કલાકે કચરો ઉપાડી લેવાશે

Wolrd Cup 2023 Final: વિશ્વના સૌથી મોટા ક્રિકેટ સ્ટેડીયમ એટલે કે મોદી સ્ટેડીયમમાં વર્લ્ડ કપ 2023ની ફાઈનલ મેચ રમાવા જઈ રહી છે ત્યારે મેચને લઈને લોકોમાં ઉત્સાહ જોવા મળી રહ્યો છે. આ ઉપરાંત અમદાવાદ મ્યુનિસિપલ કોર્પોરેશન દ્વારા પણ ખાસ તૈયારીઓ કરવામાં આવી રહી છે.  સ્ટેડીયમની આસપાસના તમામ પાર્કીંગ એરિયા, રૂટ અને મોબાઈલ ટોઇલેટ સહિતની જગ્યાઓ સાફ કરવામાં આવશે. 

આ વિસ્તારોમાં સફાઈકર્મીઓ કરશે રાઉન્ડ ધ ક્લોક કામગીરી

ચાર ઝોનમાં 17 થી 20 નવેમ્બર સુધી 25-25 સફાઈ કામદારો એમ થઈને 100 લોકોની ટીમ દ્વારા સફાઈ કામગીરી કરવામાં આવશે. આ સિવાય મોબાઈલ ટોયલેટ વાનની સફાઈ માટે 200 સફાઈ કર્મચારીઓ મોટી મશીનરી સાથે રાઉન્ડ ધ ક્લોક કામગીરી કરી રહ્યા છે. આ વિસ્તારોમાં મેચ બાદ પણ ખાસ રાત્રે સફાઈ કરવામાં આવશે. સ્ટેડીયમની આસપાસના વિસ્તારોમાં દર બે કલાકે કચરો ઉપાડી લેવામાં આવશે. 

દર 12 મિનીટે 1 મેટ્રો દોડાવવામાં આવશે

આ વર્લ્ડ કપ ફાઈનલ જોવા માટે દૂર દૂરથી પ્રેક્ષકો આવવાના હોવાથી તેને ટ્રાફિકની કોઈ સમસ્યા ન રહે તે માટે આ ખાસ વ્યવસ્થા કરવામાં આવી છે. 19મી નવેમ્બરના રોજ યોજાનારી આ મેચ માટે દર 12 મિનીટે 1 મેટ્રો દોડાવવામાં આવશે. આથી મેટ્રોના ટાઇમટેબલમાં રોજ કરતા 19મી નવેમ્બરે ફેરફાર જોવા મળશે. જે બાદ બાકીના દિવસોમાં મેટ્રો ટાઇમટેબલ રાબેતા મુજબ રહેશે.