બગસરાના હડાળા નજીક બોલેરો પીકઅપ પલટી, એક મહિલાનું મોત, અનેક લોકો ઈજાગ્રસ્ત

Road Accident In Amreli: અમરેલીના બગસરામાં હડાળા નજીક ગોઝારો અકસ્માત સર્જાયો છે. રોડ પર બોલેરો પીકઅપ પલટી જતા 40 વર્ષીય વિજયાબેનનું ઘટનાસ્થળે જ મૃત્યુ નિપજ્યું છે. જ્યારે અને 16 લોકો ઈજાગ્રસ્ત થયા છે. વડીયાના ઢૂંઢિયા પીપળીયા અને સાકરોલા ગામના વાવલિયા પરિવાર ધારી ખાતે ખોડિયાર લાપસી કરવા જતા ત્યારે દુર્ઘટના બની હતી. આ અકસ્માતમાં 6 લોકોને સામાન્ય અને 10 લોકોને ગંભીર ઈજાઓ પહોંચતા અમરેલી સારવાર અર્થે રીફર કરાયા છે. આ ઘટનાની જાણ થતાં પોલીસ કાફલો ઘટનાસ્થળે પહોંચીને વધુ તપાસ હાથ ધરી છે.