ઉપલેટા ભાજપના ધારાસભ્યને નડ્યો અકસ્માત, કાર ભેંસ સાથે અથડાતા પહોંચી ઈજા, હોસ્પિટલ ખસેડાયા

Upleta BJP MLA Car Accident: ઉપલેટાના ભાજપના ધારાસભ્ય મહેન્દ્રભાઈ પાડલીયા અને રાજકોટ જિલ્લા ભાજપ મહામંત્રી રવિભાઈ માકડીયા રાજકોટથી ગાંધીનગર જતી વખતે લીંબડી નજીક રસ્તા પર મૃત પડેલી ભેંસ સાથે તેમની કાર અથડાઇ હતી. જેના કારણે આખી કાર પલટી ગઇ હતી.

મળતી માહિતી અનુસાર, ધારાસભ્ય મહેન્દ્ર પાડલીયા અને રાજકોટ જિલ્લા ભાજપ મહામંત્રી રવિભાઈ માકડીયા રાજકોટથી ગાંધીનગર જઈ રહ્યા હતા. આ દરમિયાન લીંબડી નજીક તેમની કારનો રસ્તામાં પડેલી મૃત ભેંસ સાથે અકસ્માત સર્જાયો હતો. આ અકસ્માતમાં મહેન્દ્રભાઈ પાડલીયા અને રવિભાઇ માકડીયા ઈજાગ્રસ્ત થતાં સારવાર માટે હોસ્પિટલે ખસેડવામાં આવ્યા હતા.