જામનગરના પોલીસ હેડ ક્વાર્ટરમાં આજે 'પોલીસ સ્મૃતિ દિવસ'ની ઉજવણી નિમિત્તે શહીદોને શ્રદ્ધાંજલિ પાઠવાઈ

Police Smriti Divas: દેશની એકતા અને અખંડિતતા જાળવવામાં મહત્વની ભૂમિકા ભજવનાર તમામ શહીદ પોલીસકર્મીઓ અને સિપાહીઓને "પોલીસ સ્મૃતિ દિવસ" ના અવસરે જામનગર જિલ્લા પોલીસ હેડ ક્વાર્ટર, શહીદ સ્મારક ખાતે ભાવભરી શ્રદ્ધાંજલિ આપવામાં આવી હતી.

 જામનગરના ઇન્ચાર્જ જિલ્લા પોલીસવડા આર.બી.દેવધાની અધ્યક્ષતામાં આજે પોલીસ હેડ ક્વાર્ટરમાં પોલીસ સ્મૃતિ દિવસ ઉજવવામાં આવ્યો હતો, અને તમામ વીર શહીદ પોલીસ કર્મીઓ અને સિપાઈઓ અને શ્રદ્ધાંજલિ પાઠવવામાં આવી હતી. 

જામનગર જિલ્લાના પોલીસબેડામાં ફરજ બજાવતા અન્ય પોલીસ અધિકારીઓ અને પોલીસ સ્ટાફ વગેરે ઉપસ્થિત રહ્યા હતા, અને તમામ વીર શહીદોને ભાવભરી શ્રદ્ધાંજલિ પાઠવવામાં આવી હતી.