જામનગરના માજી રાજવી જામસાહેબનાં પ્રજાલક્ષી નિર્ણય પછી તંત્ર દ્વારા બાગની કાયાપલટ

જામનગરમાં પાર્ક કોલોની નજીક આવેલ પૂ.ધનકુંવરબા સ્વામી આયુર્વેદિક ઔષધિ ઉદ્યાન જે જોગર્સ પાર્કનાં નામથી પ્રસિદ્ધ છે એ ઘણા સમયથી બંધ હતું. પરંતુ તાજેતરમાં જામસાહેબ શ્રી શત્રુશલ્યસિંહજી જાડેજાનાં આ બાગ પ્રજાનાં પુન: ઉપયોગમાં આવી શકે એવો નિર્ણય લેતા તંત્ર દ્વારા આ બાગને નવા રંગરૂપ આપી ઔષધિય વૃક્ષો વાવવામાં આવ્યા છે.

આજે મેયર વિનોદ ખીમસૂર્યા, ડે.મેયર ક્રિષ્ના સોઢા, શાસક પક્ષ નેતા આશિષ જોષી, શહેર ભાજપ પ્રમુખ ડો.વિમલ કગથરા સહિતનાં આગેવાનો તથા કમિશ્નર ડી.એન.મોદી સહિતનાં અધિકારીઓની ઉપસ્થિતિમાં આ બાગ નું પુન: લોકાર્પણ કરવામાં આવ્યું હતું. માજી રાજવી ના પ્રતિનિધિ તરીકે નરેન્દ્રસિંહ જાડેજા પણ ઉપસ્થિત રહ્યા હતા.