વડોદરામાં અગોરા મોલ પાસે કારમાં ભીષણ આગથી ભાગદોડ : ટ્રાફિક જામ

Car Caught Fire in Vadodara : વડોદરાના કારેલીબાગ મંગલ પાંડે રોડથી સમા તરફ જતા રસ્તે આવેલા અગોરા મોલની સામે જ બહારની બાજુએ બપોરના સમયે ઉભેલી એક કારમાં અચાનક આગની લપેટોમાં કારની અંદરની તમામ ચીજ વસ્તુઓ બળીને રાખ થઈ ગઈ હતી. જોત જોતામાં પહોંચેલા ફાયર બ્રિગેડ લાશ્કરોએ પાણી મારો ચલાવીને આગને કાબુમાં લીધી હતી. પરંતુ એ અગાઉ માત્ર કારનું સ્ટ્રક્ચર જ બાકી રહ્યું હતું. જોકે આગ કયા કારણોસર લાગી તે અંગે રહસ્ય સર્જાયું છે. પોલીસે બનાવ અંગે તપાસ હાથ ધરી છે.