જામનગરમાં ટાઉનહોલ સર્કલ પાસે કોમ્પ્લેક્સમાં ગેરકાયદે બનેલી સાત દુકાનોને ટીપીઓ દ્વારા સીલ

Jamnagar : જામનગર મહાનગરપાલિકાની ટીપીઓ શાખા દ્વારા ગેરકાયદે બાંધકામો અંગેની જરૂરી કાર્યવાહી કરવામાં આવી રહી છે, અને ટાઉનહોલ સર્કલ નજીકની સાત દુકાનોને સીલ કરી દેવાતા દોડધામ થઈ છે.

 જામનગરમાં ટાઉનહોલ સર્કલ નજીક એક નવું કોમ્પ્લેક્સ બંધાઈ રહ્યું છે, જેમાં નિયત મંજૂરીની વિરુદ્ધમાં બાંધકામ કરીને સાત દુકાનો ઊભી કરવામાં આવી હોવાનું જામનગર મહાનગરપાલિકાની ટીપીઓ શાખાને ધ્યાનમાં આવ્યું હતું.

 જેથી આજે સવારે ટીપીઓ શાખાની એક ટુકડી બનાવના સ્થળે પહોંચી હતી, અને એકીસાથે સાત દુકાનોને જામ્યુકોના સીલ લગાવી દેવામાં આવ્યા છે. જેથી બાંધકામ કરનારાઓમાં ભારે દોડધામ થઈ છે.