જામનગર શહેર-જિલ્લામાંથી દારૂની દસ બોટલ સાથે ત્રણ શખ્સોની અટકાયત

Jamnagar : જામનગર શહેર-જિલ્લામાંથી પોલીસે અંગ્રેજી દારૂની દસ બોટલ સાથે ત્રણ શખ્સને ઝડપી લીધા હતા અને કુલ મળી રૂપિયા 3750નો મુદામાલ કબ્જે લઈ ઝડપાયેલા શખ્સો સામે પ્રોહિ. એકટ હેઠળ ગુનો દાખલ કરી ધોરણસરની કાર્યવાહી હાથ ધરી હતી.

પ્રાપ્ત વિગત મુજબ જામનગરમાં પવન ચકકી સર્કલથી આગળ આવેલી સૂર્યદર્શન ડેરીની સામેથી જતાં વિજય ઘેલાભાઈ શિંગરખિયા નામના શખ્સની સિટી એ ડિવિઝન પોલીસે અટકાવી તલાશી લેતાં તેના કબ્જામાંથી અંગ્રેજી દારૂની ચાર બોટલ મળી આવતા ધરપકડ કરી રૂપિયા બે હજારનો મુદામાલ જપ્ત કર્યો હતો.

ઉપરાંત જામનગરમાં દિ. પ્લોટ 50, હરિભાઈની હોટલની સામેથી પસાર થતાં મિલન ઉર્ફે બતક જેન્તીલાલ જોઈશર નામના શખ્સને પણ સિટી એ પોલીસે અંગ્રેજી દારૂની એક બોટલ સાથે ઝડપી લઈ રૂા.500નો મુદામાલ કબ્જે કર્યો હતો.

 જામનગર–રાજકોટ હાઈવે પર આવેલી જય માતાજી હોટલ સામેથી પસાર થતાં અમરેલી જિલ્લાના સુડલીવાસ ગામના અશોક શિવાભાઈ સોલંકી નામના શખ્સને પંચ એ પોલીસે અંગ્રેજી દારૂની પાંચ બોટલ સાથે ઝડપી લઈ રૂા.1250નો મુદામાલ કબ્જે કર્યો હતો.