વડોદરામાં બુકાનીધારી ટોળકી ફરી સક્રિય : જાંબુઆમાં દેખા દીધી, સીસીટીવીમાં કેદ

Vadodara : વડોદરા શહેરની છેવાડે આવેલા જાંબુઆ વિસ્તારના ગોકુલ ડુપ્લેક્સ પાસે રાત્રિના સમયે બુકાનીધારી ટોળકીએ દેખા દીધી હતી. ચોર ટોળકી અહીં ચોરી કે લૂંટના ઇરાદે આવી હોવાનું પ્રાથમિક અનુમાન છે. અહીંના ગોકુલ ડુપ્લેક્સ પાસેથી બુકાનીધારી ટોળકી પસાર થતી સીસીટીવી કેમેરામાં નજરે પડી હતી.

સમગ્ર ઘટના મામલે સ્થાનિક રહીશોએ આ અંગે પોલીસને જાણ કરી નાઈટ પેટ્રોલિંગ વધારવા તથા નાગરિકોની સુરક્ષા અંગેના જરૂરી પગલાં લેવાની રજૂઆત કરી છે. ટોળકી અહીં રેકી કરવા કે કોઈ ઘટનાને અંજામ આપવા આવી હોવાનું અનુમાન છે. પોલીસની ચોક્કસ તપાસ બાદ વધુ વિગત સપાટી પર આવે તેમ મનાય છે.