શિક્ષકના સ્વાંગમાં શેતાન! અમરેલીમાં શિક્ષકે વિદ્યાર્થી ઉપર આચર્યું સૃષ્ટિ વિરુદ્ધનું કૃત્ય

Amreli News: અમરેલી- સાવરકુંડલા પંથકમાંથી શિક્ષણ જગતને કલંકિત કરતી ઘટના સામે આવી છે. સાવરકુંડલા તાલુકાના વંડા વિસ્તારની ખાનગી શાળામાં સ્કૂલના વિદ્યાર્થી પર શિક્ષક દ્વારા દુષ્કર્મ આચર્યાની પોલીસ ફરિયાદ નોંધાતા ચકચાર મચી જવા પામી છે. આરોપી શિક્ષકને પકડીને પૂછપરછ શરૂ કરી છે. આજે પોલીસ દ્વારા પત્રકાર પરિષદ યોજી મીડિયા સમક્ષ રજૂ કરવામાં આવશે. 

પ્રાપ્ત માહિતી અનુસાર અમરેલી-સાવરકુંડલા તાલુકાના વંડા વિસ્તારની એક ખાનગી શાળા શિક્ષકે શિક્ષણ જગતને શર્મશાર કરતી હરકત કરી છે. અમરેલીના સાવરકુંડલા તાલુકામાં આવેલા વંડા પોલીસ સ્ટેશનમાં સૃષ્ટિ વિરુદ્ધનું કૃત્ય અને દુષ્કર્મની ફરિયાદ નોંધાઇ છે. વંડા વિસ્તારમાં આવેલી ખાનગી શાળાની હોસ્ટેલમાં વિશાલ સાવલિયા નામનો શિક્ષક ગૃહપતિ તરીકે કામ કરતો  હતો. આ શિક્ષક રમતગમત અને જનરલ વિભાગ સંભાળતો હતો. 

વિશાલ સાવલિયા હોસ્ટેલની સામેના રૂમમાં રહેતો હતો અને વિદ્યાર્થીને તેના રૂમમાં બોલાવી કૃત્ય આચરતો હતો. આ ઘટના 5 તારીખ બની હતી ત્યારબાદ વિદ્યાર્થીને પાછળના ભાગે દુખાવો પણ થયો હતો. ત્યારબાદ પરિવાર નાસ્તો આપવા હોસ્ટેલ આવતા વિદ્યાર્થીને તાવ આવતો હોવાથી પરિવાર ઘરે લઈ જઇ રહ્યા હતા, તે સમયે વિદ્યાર્થીએ પરિવારને વાત સમગ્ર ઘટના વિશે જાણ કરતાં સમગ્ર ઘટનાનો પર્દાફાશ થયો હતો. 

ત્યારબાદ પરિવારે વંડા પોલીસ મથકે પહોંચી ફરીયાદ નોંધાવી હતી. આ ઘટનાની ગંભીરતા સમજી વંડા પોલીસ સ્ટેશનમાં ગુન્હો નોંધી તપાસનો ધમધમાટ શરુ કર્યો છે. પોલીસે શિક્ષક વિશાલ સાવલિયાની શોધખોળ હાથ ધરી રાઉન્ડઅપ કર્યો છે. હાલ પૂછપરછ ચાલી રહી છે અને ધરપકડ કરવા માટેની કાર્યવાહી હાથ ધરી છે. એસ.પી સંજય ખરાત એસ.એસ.પી વલય વૈદ્ય સહીત ઉચ્ચ અધિકારીઓ પહોંચી ગયા છે અને અલગ અલગ ઘટનાની ઊંડાણ પૂર્વક તાપસ હાથ ધરી છે.

પોલીસ તપાસમાં ખુલેલી માહિતી પ્રમાણે આ ખાનગી શાળામાં અભ્યાસ કરતા વિદ્યાર્થી પર તેના જ એક શિક્ષક વિશાલ સાવલિયા દ્વારા એક દુષ્કર્મ આચાર્યુ હતું તેની ફરિયાદ વંડા પોલીસ સ્ટેશનમાં દાખલ કરવામાં આવી છે. આ ફરિયાદ પ્રમાણે બીએનએસની કલમ 115, 2 પોકસો કલમ અને એટરોસિટી કલમ મુજબ ફરિયાદ દાખલ થયા બાદ તપાસ ડી.વાય.એસ.પી.નયના ગોરડીયા કરી રહ્યા છે. બધા જ પુરાવા અને સાઇટિક પુરાવા એકત્ર કરવાની પ્રક્રિયા હાથ ધરી છે. આરોપી શિક્ષક વિશાલ સાવલિયાને હસ્તગ કરવામાં આવ્યો છે પૂછ પરછ ચાલી રહી છે બધી જ રીતે પુરાવા એકત્ર કરવામાં આવશે.