સુરતમાં અસામાજિક તત્વો દ્વારા ગણેશજીની મૂર્તિ પર પથ્થરમારો, સાંસદ-ધારાસભ્ય ઘટનાસ્થળે દોડ્યા

બીજી બાજુ ઘટનાની જાણ થતાં ધારાસભ્ય કાંતિ બલર પણ પોલીસ સ્ટેશન પહોંચ્યા હતા અને સ્થાનિકોને સમજાવવાનો પ્રયાસ કર્યો હતો. જ્યારે સાંસદ મુકેશ દલાલે પણ ઘટનાસ્થળે પહોંચીને લોકોને આશ્વાસન આપતા કહ્યું કે પથ્થરમારો કરનારાને છોડવામાં નહીં આવે.

ઘટનાની જાણ થતાં શહેર પોલીસ કમિશનર અને મેયર પણ ઘટનાસ્થળે પહોંચી ગયા હતા. મામલો ઉગ્ર બનતાં પોલીસ કાફલો ગોઠવી દેવામાં આવ્યો છે. આ પથ્થરમારાની ઘટનામાં ડીસીપી વિજય સિંહ ગુર્જર સહિત બે પોલીસ કર્મી ઇજાગ્રસ્ત થયા હોવાનું જાણવા મળ્યું છે. વાહનોની પણ તોડફોડ કરવામાં આવી હતી. એકત્ર થયેલા ટોળાને વિખેરવા માટે પોલીસ દ્વારા લાઠીચાર્જ પણ કરવામાં આવ્યો છે. આ ઘટનામાં અત્યાર સુધીમાં 35 લોકોની અટકાયત કરી છે જ્યારે પોલીસ આ અંગે ગુનો નોંધી વધુ તપાસ હાથ ધરી છે.