ડભોઇ રોડ પરથી જુગાર રમતા છ ખેલીઓ ઝડપાયા

Vadodara Gambling : વડોદરા ડભોઇ રોડ પર ત્રીમુર્તી એવન્યુ પાસે આંક ફરકના આંકડા ઉપર જુગાર રમતા 6 આરોપીઓને પીસીબી પોલીસે ઝડપી પાડ્યા હતા. પોલીસે પાંચ મોબાઇલ અને રોકડ રકમ સહિત 50 હજારનો મુદ્દામાલ કબજે કર્યો હતો. 

તહેવારને લઈને પીસીબી પોલીસની ટીમ શહેર વિસ્તારમાં પેટ્રોલિંગ કરી રહી હતી તે દરમિયાન ડભોઇ રોડ પર પહોંચતા જ બાતમી મળી હતી કે ત્રિમુર્તી એવન્યુ જેનીથ સ્કુલની બાજુની ગલીમાં રંજન નોખેલાલ વર્મા ત્રિમૂર્તિ એપાર્ટમેન્ટ પાસે જાહેર ખુલ્લી જગ્યામાં આંકડા લખવા માટે તેના માણસો કેતન રમેશ ઠાકોર તથા અશોક સુધાકર કટારીયાને રાખી જાહેરમાં રસ્તે આવતા જતા ઇસમો પાસેથી આંક ફરકના આંકડાઓ લખેલ સ્લીપો રૂપિયા સાથે ઉધરાવી આકડાનો હારજીતનો જુગાર રમાડે છે.  હાલમાં પણ તેની પ્રવૃતિ ચાલુ છે. જેના હકીકત આધારે માહીતી મુજબની જગ્યાએ પીસીબી પોલીસે રેઇડ કરતા આંક ફરકના આંકડા ઉપર રૂપિયા વડે જુગાર રમતા 6 ઇસમો કેતનભાઈ રમેશભાઇ ઠાકોર, અશોકભાઈ સુધાકરભાઈ કટારીયા, અજયભાઈ ભઇલાલભાઇ પટેલ,રમેશભાઈ ભાઇલાલભાઇ તડવી અને  દિનેશભાઇ નટુભાઇ રાજપુતને ઝડપી પાડયા હતા. વાડી પોલીસે રોકડ રકમ અને પાંચ મોબાઇલ મળી 50 હજારનો મુદ્દામાલ કબજે કરી આગળની કાર્યવાહી હાથ ધરી છે.