સ્કૂલ બસ લોખંડનાં બોર્ડ, વીજ થાંભલા સાથે અથડાતાં નાસભાગ

કણકોટ પાટિયા પાસે સર્જાયેલો અકસ્માત

વીજ થાંભલો જમીનમાંથી ઉખડી બસનો આગળનો કાચ તોડી અંદર ઘૂસી ગયો, ટુ વ્હીલરમાં પણ નુકસાની

જોકે રાજકોટ તાલુકા પોલીસે આ અકસ્માતમાં છાત્રોને ઈજા થઈ કે કેમ તે બાબતે અજાણ હોવાનું કહ્યું છે. કાલાવડ રોડ પરના અવધ બંગલા રોડ પર વીર સાવરકર આવાસ યોજનાના કવાર્ટરમાં રહેતી કિરણબેન ધનજીભાઈ પંચાસરા (ઉ.વ.૩૭)એ નોંધાવેલી ફરિયાદમાં જણાવ્યું છે કે કણકોટ પાટિયા પાસે સીધેશ્વર મહાદેવના મંદિર પાસે ફૂલનું વેચાણ કરે છે.

આજે સવારે પતિ સાથે એકટીવા પર પહોંચી હતી. પતિ નજીકમાં બાવળના ઝાડ પાસે એકટીવા પાર્ક કરી ગ્રાહકોને ફુલ આપવા ગયો હતો. જયારે તે ફુલનું વેચાણ કરતી હતી ત્યારે રાજકોટ તરફથી બસ ઘસી આવી હતી. જેના ચાલકે કાબુ ગુમાવતાં સાઈડમાં રહેલા લોખંડના બોર્ડ, વીજ થાંભલામાં નુકસાની થઈ હતી.

એટલું જ નહીં બસે તેના એકટીવાને હડફેટે લેતાં તેમાં પણ નુકસાની થઈ હતી. વીજ થાંભલો બસનો આગળનો કાચ તોડી અંદર ઘુસી ગયો હતો. જેને કારણે બસમાં પણ નુકસાની થઈ હતી. પોલીસ સૂત્રોએ જણાવ્યું કે ખરેખર કયા કારણસર ચાલકે બસ ઉપરથી કાબુ ગુમાવ્યો તે વિશે કોઈ માહિતી મળી નથી. આ બાબતે બસનું પરીક્ષણ પણ કરાવાશે.