ઉપલેટા તાલુકાની ત્રણ મોટી નદીમાંથી તંત્રની મીઠી નજર હેઠળ રેતીની ચોરી

નદીના કાંઠાને તોડી ભૂમાફિયાઓેએ ટ્રક ઉતારવા રસ્તા બનાવ્યા

રેતી માફિયાઓ દ્વારા નદીકાંઠા તોડી નાંખવામાં આવતાં ચોમાસામાં લાઠ, ભીમોરા, મજેઠી, કુંઢેચ સહિતનાં ગામડાંઓ જળબંબાકાર બની જાય છે

ઉપલેટા તાલુકાની ત્રણ મોટી નદીઓમાં વ્યાપક પ્રમાણમાં રેતી નીકળે છે. નદીના પટમાં રેતી હોવાનું ખનીજ માફીયાઓના ધ્યાને આવતા છેલ્લા ૮ વષથી નામી-અનામી રીતે ગેરકાયદેસર લીઝ ધારકો કે લીઝ ન હોય એવા રેત માફિયાઓ રેતીનું રાત દિવસ ખનન કરી ઉપલેટા થી અંદાજીત ૭૦ થી ૮૦ કી.મી. ના અંતર સુધી સપ્લાય આપી લાખો રૃપિયા રોકડા કરી લે છે. જેના કારણે  સરકારી તંત્રને કરોડો રૃપીયાની નુકસાની થાય  છે.ે રોડ રસ્તાઓ પરથી તોતીંગ વાહનો પસાર થતાં હાવાથી રસ્તાઓને  ભારે નુકસાન થતું હોવાની ફરીયાદ ઉપલેટા તાલુકાના નગરજનો, રાજકિય સામાજીક આગેવાનો, દ્રારા ઉચ્ચ તંત્રએ રજુઆતો કરવા છતાં પણ તંત્ર આ બાબતે નિષ્ક્રિય હોય તેવું જણાવી રહયા છે.

તાલુકાના વરજાંગ જાળીયા, નાગવદર, વાડલા, ખારચીયા, સહિતના વેણુ નદીના પટમાં મોટા પ્રમાણમાં રેતીનો જથ્થો જણાતાં ત્યાં નદી વિસ્તારના કાંઠા તોડી રેત ખનન કરનારાઓેએ પોતાના મોટા વાહનો ઉતારવા માટે રસ્તા બનાવેલ છે.કાંઠા વિસ્તારમાં પાણી હોય જે કાંઠા તોડવાથી ગામ સુધી પાણી પહોંચ્યું છે. અને આવનાર ચોમાસાના દિવસો દરમ્યાન ભાદર નદિનદી  વિસ્તારમાં આવતાં લાઠ, ભીમોરા, મજેઠી, કુંઢેચ સહિતના ગામડાઓ દર સાલ નદી માં ઘોડાપુર હોવાથી પાણી કાંઠાસમુ થઈ ગામતળની ખેતરાઉ જમીન સુધી પહોંચી જાય છે