આડેસર પાસે રેલવે ટેન્કરમાં જલદ પ્રવાહી લીક થતાં દોડધામ

પંજાબ તરફ જતી રેલવેની રેંકમાં બનેલો બનાવ

સ્થાનિક ફાયર તેમજ પોલીસ અને રેલવે તંત્રની સાવચેતી બાદ મોટી દુર્ઘટના ટળી

આજે રાપર તાલુકાના આડેસર પાસે કંડલાથી જલદ પ્રવાહી લઈ બપોરે બાર વાગ્યાના ગાળામાં હરિયાણા પંજાબ તરફ જતી રેલવેની ટેન્કર રેંક માં એક ટેન્કરમાં લીકેજ થતાં સ્થાનિકે આડેસર પીઆઈ જે એમ વાળા તથા પોલીસ ટુકડી તેમજ રેલવે સુરક્ષા વ્યવસ્થા સંભાળી રહેલ સ્ટાફ સાથે ઘટના સ્થળે દોડી આવ્યા હતા અને આસપાસના વિસ્તારમાં સાવચેતી રખાવી હતી. આ બાબતે રાપર નગરપાલિકા તથા ભચાઉ નગરપાલિકા તેમજ અન્ય કંપનીઓમાંથી ફાયર ફાઇટર ફાયર બ્રિગેડના જવાનો સાથે ઘટના સ્થળે દોડી આવ્યા હતા અને લીકેજ થતા ટેન્કર પર પાણીનો મારો ચલાવ્યો હતો. કંડલાથી કંપનીના ટેકશિયનો આવી લીકેજ બંધ કર્યું હતું. આ અંગે રેલવે વિભાગ ના અધિકારીઓએ આ બનાવ અંગે મૌન સેવી લીધું હતું. ત્રણ કલાક સુધી ચાલેલી આ કામગીરી બાદ પણ  રેલવે તંત્ર દ્વારા આ બાબતે યોગ્ય કારણ જણાવી શક્યા ન હતા.  પોલીસ ફાયર બ્રિગેડ અને ફાયર ફાઇટરની સમયસૂચકતાના લીધે ગંભીર બનાવ બનતા અટ્કયો હતો.