જામનગરમાં વૃદ્ધાના કાનમાંથી સોનાના બુટીયાની લૂંટ ચલાવનાર પાડોશી યુવાનને પોલીસે ઝડપી પાડ્યો

Jamnagar Crime : જામનગરમાં રહેતા એક વૃદ્ધા પોતાના ઘર નજીક બેઠા હતા. ત્યારે એ જ વિસ્તારમાં રહેતો શખ્સ વૃદ્ધાના કાનમાંથી સોનાનું બુટીયું આંચકીને ફરાર થઈ ગયા હતો. આ બનાવ અંગે પોલીસમાં ફરિયાદ નોંધાવાયા બાદ પોલીસે આરોપીને ઝડપી લીધો છે.

વામ્બે આવાસ, આઠ માળિયામાં રહેતાં અમૃતાબેન  રમેશપુરી ગૌસ્વામી (66) ગત તા.11ના મોડી સાંજે પોતાના ઘર નજીક ઇન્દિરા કોલોનીમાં રહેતા પોતાના બહેન વનિતાબેનના ઘરે ગયા હતા. અને બહાર રોડ ઉપર ખુરસીમાં બેઠા હતા ત્યારે એ જ વિસ્તારમાં રહેતો ધનરાજ વાનખેડે વૃદ્ધાના એક કાનમાંથી રૂ.15000ની કીમતના ત્રણ ગ્રામ વજનના સોનાનું બુટીયું આંચકીને નાશી ગયો હતો. આ અંગ અમૃતાબેન ગૌસ્વામીએ પોલીસમાં ફરિયાદ નોંધાવી હતી.

દરમિયાન સીટી સી. ડિવિઝન ના પોલીસ સ્ટાફે ગણતરીના કલાકોમાં જ ધનરાજ વાનખેડે નામના શખ્સને ઝડપી લીધો છે, અને તેની પાસેથી લૂંટમાં ગયેલું સોનાનું બુટીયું કબજે કરી લીધું છે, તેની વધુ પૂછપરછ ચલાવાઇ રહી છે.