પાંડેસરામાં મિત્રના પપ્પાની દુકાન પાસે બેસી રહેતા નરાધમનું કૃત્ય : કાતરની અણીએ ધો. 7 ના વિદ્યાર્થી સાથે મુખમૈથુન અને સૃષ્ટિ વિરૂધ્ધનું કૃત્ય

- ધુળેટીના દિવસે ચલ મેરી ગાડી પે બેઠ જા થોડી દેર મે આતે હે એમ કહી ખંડેર મકાનમાં લઇ ગયો હતો
- ગુદાના ભાગે દુઃખાવો થતો હોવાથી અને નરાધમ ઘર જોઇ ગયો હોવાથી પિતાને બીજે રહેવા જવાની વાત કરતા મામલો બહાર આવ્યો

સુરત

પાંડેસરા વિસ્તારમાં રહેતા પરપ્રાંતિય ટ્રાન્સપોર્ટરના ધો. 7 માં અભ્યાસ કરતા પુત્રને ધુળેટીના દિવસે મોપેડ ઉપર બેસાડી ઘર નજીક ખંડેર મકાનમાં લઇ જઇ કાતરની અણીએ મારી નાંખવાની ધમકી આપી મુખ મૈથુન કરાવવા ઉપરાંત સૃષ્ટિ વિરૂધ્ધનું કૃત્ય આચાર્યાની ફરિયાદ પાંડેસરા પોલીસમાં નોંધાય છે. પોલીસે બાળક સાથે પિશાચી કૃત્ય કરનાર 22 વર્ષીય નરાધમની ધરપકડ કરી કાયદેસરની કાર્યવાહી હાથ ધરી છે.

પાંડેસરાના એલઆઇજી આવાસ વિસ્તારમાં રહેતા ટ્રાન્સપોર્ટરનો ધો. 7 માં અભ્યાસ કરતા 13 વર્ષીય પુત્ર ગિરીશ (નામ બદલ્યું છે) એ ધુળેટીના દિવસે સાંજે તેના પિતાને કહ્યું હતું કે આપણે આ ઘર ખાલી કરી અન્ય કોઇ જગ્યાએ રહેવા જતા રહેવું છે. પરંતુ તેના પિતાએ ગિરીશની વાત ઉપર ધ્યાન આપ્યું ન હતું. જો કે ગુદામાં દુઃખાવો થઇ રહ્યો હોવાથી ગિરીશે બીજા દિવસે પુનઃ ઘર ખાલી કરવાનું કહેતા પિતાએ કારણ પુછયું હતું. જેથી ગિરીશે કહ્યું હતું કે અમીત પાંડે મને હેરાન કરે છે અને તેણે આપણું ઘર જોઇ લીધું છે એમ કહી રડવા લાગ્યો હતો. પિતાએ ગિરીશને સાંત્વના આપી પૃચ્છા કરતા તેણે કહ્યું હતું કે ધુળેટીના દિવસે મિત્રો સાથે ધુળેટી રમ્યા બાદ સોસાયટીની બહાર સાઇકલ ફેરવતો હતો ત્યારે અમીત મોપેડ લઇને આવ્યો હતો અને મોપેડ ઉપર બેસવા કહ્યું હતું. પરંતુ ઇન્કાર કરતા પાછળ-પાછળ સોસાયટીમાં આવ્યો હતો અને ચલ મેરી ગાડી પે બેઠ જા થોડી દેર મે વાપસ આતે હે એમ કહેતા હું મોપેડ ઉપર બેસી ગયો હતો. ત્યાર બાદ અમીત મને ઘર નજીક પંચવટી સોસાયટીના ખંડેર મકાનમાં લઇ જઇ દરવાજો અંદરથી બધ કરી કાતર જેવું હથિયાર બતાવી મુખ મૈથુન કરાવવાની સાથે સૃષ્ટિ વિરૂધ્ધનું કૃત્ય કર્યુ હતું. મુખ મૈથુન કરવાનો ઇન્કાર કરતા મારી નાંખવાની ધમકી આપી હતી અને સૃષ્ટિ વિરૂધ્ધનું કૃત્ય વેળા પીડા થતા રડવા લાગ્યો હતો પરંતુ અમીતે ચિલ્લાયેગા તો માર દુંગા એવી ધમકી આપી હતી અને પરત ઘર પાસે મુકીને કિસી કો બતાયા તો માર દુંગા એવી ધમકી આપી હતી. જેથી માતા-પિતા ચોંકી ગયા હતા અને અમીત કોણ છે એવું પુછ્યું હતું. જેના જવાબમાં ગિરીશે કહ્યું હતું કે તેના મિત્રના પપ્પાની દુકાન પાસે અમીત બેસી રહે છે જેથી તેને ઓળખતો હોવાનું કહ્યું હતું. ઘટના અંગે પિતાએ બાળક સાથે પિશાચી કૃત્ય કરનાર વિરૂધ્ધ ફરિયાદ નોંધાવતા પોલીસે છૂટક મજૂરી કરતા અપરિણીત અમીત કૈલાશ પાંડે (ઉ.વ. 22 રહે. શ્રી કોમ્પ્લેક્ષ, સ્વતંત્ર સેનાની નગર, ગુ. હા. બોર્ડ, પાંડેસરા) ની ધરપકડ કરી છે.