સુરેન્દ્રનગરના પાટડીમાં રાંધણ ગેસની પાઈપમાં લાગી આગ, 9 લોકો ગંભીર રીતે દાઝ્યા

Fire Incident In Surendranagar: સુરેન્દ્રનગરના પાટડીમાં ચોંકાવનારી ઘટના સામે આવી છે. જ્યાં એક ઘરમાં રસોઈ બનાવતી વખતે રાંધણ ગેસની પાઈપ નીકળી જતા આગ લાગી હતી. જેમાં એક જ પરિવારના 9 લોકો ગંભીર રીતે દાઝ્યા હતા. જેમને સારવાર માટે હોસ્પિટલમાં ખસેડાયા હતા.

મળતી માહિતી અનુસાર, પાટડીમાં રસોઇ બનાવતા સમયે ગેસની પાઈપ લાઇન નીકળી ગઈ હતી. જે બાદ આગ ફાટી નીકળી હતી. આ ઘટનામાં એક જ પરિવારના મહિલા, બાળકો સહિત 9 લોકો દાઝ્યા હતા. આગ લાગતા આજુ બાજુના વિસ્તારમાં અફરા તફરીનો માહોલ જોવા મળ્યો હતો. આ ઘટનાની જાણ થતા જ ફાયર વિભાગની ટીમ ઘટનાસ્થળે પહોંતી હતી અને ભારે જહેમત બાદ આગને કાબુમાં લેવામાં આવી હતી.