વલસાડ : ઉમરગામ GIDCમાં પ્લાસ્ટિક કંપનીમાં વિકરાળ આગ, મેજર કોલ જાહેર કરાયો

Fire incident in Umargam : વલસાડના ઉમરગામની જીઆઈડીસીમાં આગ લાગવાની ઘટના બની છે. જીઆઈડીસીમાં આવેલી પ્લાસ્ટિક કંપનીમાં વિકરાળ આગ લાગી છે. આગ બેકાબૂ બનતા મેજર કોલ જાહેર કરાયો છે. આગ પર કાબૂ મેળવવા માટે ઉમરગામ, સરીગામ વાપી સહિતની ફાયર ટીમો ઘટના સ્થળે પહોંચી છે.

આજે સવારે નવસારીમાં બની હતી આગની ઘટના, ત્રણના મોત

આજે (શનિવાર) વહેલી સવારે નવસારી જિલ્લાના ગણદેવીનાં ટ્રાન્સપોર્ટ ગોડાઉનમાં ભીષણ આગ લાગી હતી. ગોડાઉનમાં જ્યારે ટ્રકમાંથી બેરલ ખાલી કરવામાં આવી રહ્યાં હતાં, ત્યારે એકાએક તેમાં ભડકો થયો. આ ભડકો થતાંની સાથે જ તેણે તુરંત આગે વિકરાળ સ્વરૂપ ધારણ કરી લીધું. જેની ઝપેટમાં આવતાં ત્રણ લોકોના મોત થયા હતા. તેમજ ત્રણ લોકો ગંભીર રીતે ઘાયલ થયા હતા.