છાણી બ્રિજ નીચે શાકભાજીની દુકાનમાં શાકના થેલાઓમાંથી દારૃની બોટલો મળી

વડોદરાઃ છાણી  બ્રિજ નીચે શાકભાજીની દુકાનમાં દારૃનો જથ્થો હોવાની વિગતને પગલે છાણી પોલીસે દરોડો પાડતાં કોથળામાંથી દારૃની બોટલો મળી આવી હતી.

છાણી વિસ્તારના છાયાપુરી બ્રિજ નીચે શાકભાજીની દુકાનમાં દારૃનો જથ્થો સંતાડવામાં આવ્યો હોવાની વિગતોને પગલે છાણીના પીઆઇ એપી ગઢવીએ ટીમ મોકલી  દરોડો પડાવ્યો હતો.જે દરમિયાન કોથળાઓમાંથી રૃ.૯૬ હજારની કિંમતની કુલ ૧૯૬ નંગ બોટલો મળી આવી હતી.જેથી પોલીસે દુકાનદાર હિતેષ બુધાભાઇ ગોહિલ (જૈનમંદિર પાછળ,છાણી)ની અટકાયત કરી હતી.

પોલીસની તપાસમાં આ જથ્થો ચિંતન રાણા(માધવપાર્ક, છાયાપુરી બ્રિજ પાસે)એ મૂક્યો હોવાની વિગતો ખૂલતાં તેની શોધખોળ હાથ ધરી છે.