તું મારી પત્ની સામે શું કામ કતરાઈને જુએ છે..! જામનગરના યુવાન પર છરી વડે જીવલેણ હુમલો

Jamnagar Crime : જામનગરના પુનિત નગર વિસ્તારમાં રહેતા એક યુવાન પર છરી વડે જીવલેણ હુમલો કરી દેવા અંગેના પ્રકરણમાં આરોપીની પત્ની સામે ફરિયાદી યુવાન કતરાઈને જુએ છે, તેવો શક-વહેમ રાખીને હુમલો કરી પગની નસ કાપી નાખ્યાની તેમજ ફેફસામાં નુકસાન પહોંચાડ્યાની ફરિયાદ નોંધાવી છે.

 પોલીસ ફરિયાદમાં જાહેર કરાયા અનુસાર ફરીયાદી મહેન્દ્રસિંહ હરિસિંહ જાડેજા નામના 55 વર્ષનાવ પ્રૌઢએ પોતાના પુત્ર મયુરસિંહ જાડેજા ઉપર છરી વડે જીવલેણ હુમલો કરી પગની નસ કાપી નાખવા અંગે તેમજ ફેફસામાં તેમજ શરીરના અન્ય ભાગોમાં નુકસાન પહોંચાડવા અંગે પુનિતનગર વિસ્તારમાં જ રહેતા મયુરસિંહ સજુભા જાડેજા સામે ફરિયાદ નોંધાવી છે.

 પોલીસ ફરિયાદમાં જાહેર કરાયા અનુસાર ઈજા પામનાર યુવાન મયુરસિંહ કે જે આરોપી મયુરસિંહ જાડેજાની પત્ની સામે કતરાઈને જુએ છે એવી શંકા અને વહેમવરાખીને આ હુમલો કરાયાનું પોલીસમાં જાહેર થયું છે. જેમાં યુવાનની પગની ધોરી નસ કપાઈ છે. તેમજ ફેફસા વગેરેમાં પણ ઈજા થઇ છે, અને હાલ જી.જી. હોસ્પિટલમાં સારવાર હેઠળ છે. જયાં તેની હાલત નાજુક ગણાવાઈ રહી છે.