વડોદરા, કોટંબી સ્ટડિયમમાં આંતરરાષ્ટ્રીય મેચની પહેલી સદી હરલીનેે નોંધાવી

ભારતીય ટીમની રાઇટ હેન્ડ બેટર હરલીન દેઓલે 103 બોલમાં 115 રન અને વેસ્ટ ઇન્ડિઝ ટીમની કેપ્ટન હેલી મેથ્યુસે 109 બોલમાં 106 રન બનાવ્યા

વડોદરા : બરોડા ક્રિકેટ એસોસિએશનની યજમાનીમાં કોટંબી સ્ટેડિયમ ખાતે આયોજીત સૌ પ્રથમ વીમેન ઇન્ટરનેશનલ ક્રિકેટની ૩ વન-ડેની સિરિઝમાં આજે બીજા મેચમાં પણ વેસ્ટ ઇન્ડિઝની ટીમનો પરાજય થયો હતો. એક સદી અને ૩ અર્ધ સદીના સથવારે ભારતીય વીમેન ટીમે ૫૦ ઓવરમાં ૫ વિકેટે ખડકેલા ૩૫૮ રનના ટાર્ગેટ સામે વેસ્ટ ઇન્ડિઝ વીમેન ટીમ ઝઝૂમી હતી પરંતુ ૧૧૫ રને પરાજય થયો હતો. કોટંબી સ્ટેડિયમના મેદાન ઉપર આંતરરાષ્ટ્રીય ક્રિકેટની સૌપ્રથમ સદી ભારતીય ટીમીન રાઇડ હેન્ડ બેટર હરલીન દેઓલે નોંધાવી છે. હરલીને ૧૦૩ બોલમાં ૧૬ બાઉન્ડ્રી સાથે ૧૧૫ રન ફટકાર્યા હતા. તો ઓપનર સ્મૃતિ મંધાનાએ ૫૩, પ્રતિકા રાવલે ૭૬, જેમીમા રોડ્રિગ્ઝે  ૫૨ રન કર્યા હતા.

સિરિઝનો ત્રીજો અને છેલ્લો મેચ તા.17  ડિસેમ્બર, શુક્રવારે સવારે 9.30 વાગ્યાથી શરૃ થશે.

મેરી ક્રિસમસ : કેમેરામેન અને સ્પાયડર કેમને પણ સાંતા કેપ પહેરાવવામાં આવી

વેસ્ટ ઇન્ડિઝન વીમેન ક્રિકેટની ટીમ બુધવારે વડોદરામા જ ક્રિસમસની ઉજવણી કરશે. જો કે આજે કોટંબી ગ્રાઉન્ડ ઉપર લાઇવ પ્રસારણની ટીમના તમામ કેમેરામેન સાંતાક્લોઝ કેપ પહેરીને આવ્યા હતા એટલુ જ નહી 'સ્પાયડર કેમ' (સ્પાયડર કેમેરા)ને પણ સાંતા કેપ પહેરાવવામાં આવી હતી. આ દ્રશ્ય જોઇને વેસ્ટ ઇન્ડિઝની ટીમ પણ ખુશ થઇ ગઇ હતી અને લોકોને મેરી ક્રિસમસ કરીને શુભેચ્છાઓ આપી હતી.

ભારત-વેસ્ટ ઇન્ડિઝ વીમેન ક્રિકેટ સિરિઝની હાઇ લાઇટ

પ્રેક્ષકો માટે ફુલ એન્ટરટેઇન્ટમેન્ટ ક્રિકેટ : બે મેચમાં કોટંબી સ્ટેડિયમમાં ૧,૦૧૮ રન ખડકાયા

ભારતીય વીમેન ટીમનો સળંગ બીજી મેચમાં વિજય, ૩જી મેચ હવે ઔપચારીક બની રહેશે

રવિવારે પ્રથમ મેચમાં કારમી હાર બાદ મંગળવારે વેસ્ટ ઇન્ડિઝની ટીમે જોર લગાવ્યુ છતાં ૧૧૫ રને હાર થઇ

ઓપનર સ્મૃતિ મંધાનાએ ૪૭ બોલમાં ૭ બાઉન્ડ્રી અને ૨ સિક્સ સાથે ૫૩ રન કર્યા

પ્રતિકા રાવલે આંતરરાષ્ટ્રીય મેચમાં પ્રથમ અર્ધ સદી સાથે ૮૬ બોલમાં ૧૦ બાઉન્ડ્રી અને એક સિક્સ સાથે ૭૬ રન ફટકાર્યા

જેમીમા રોડ્રિગ્ઝે ૩૬ બોલમાં ૬ બાઉન્ડ્રી અને એક સિક્સ સાથે સ્ફોટક ૫૨ રન કર્યા

કોટંબી સ્ટેડિયમ ખાતે પ્રથમ આંતરરાષ્ટ્રીય સિરિઝમાં લોંગેસ્ટ ઓવરનો પણ રેકોર્ડ નોંધાયો ઃ રાઇટ આર્મ ફાસ્ટ બોલર શેમિલિયા કોન્નેલે ૫ વાઇડ સાથે ૧૧  બોલની સૌથી લાંબી ઓવર ફેંકી.