રાજ્ય સરકારનો મોટો નિર્ણયઃ સોમ-મંગળ બે દિવસ પોલીસ મથકના વડા સાંભળશે નાગરિકોની રજૂઆત

Gujarat Police News : ગુજરાતમાં મુખ્યમંત્રી ભૂપેન્દ્ર પટેલના માર્ગદર્શન હેઠળ ગૃહ રાજ્ય મંત્રી હર્ષ સંઘવીએ મહત્ત્વનો નિર્ણય લીધો છે. ગૃહ રાજ્યમંત્રીના આદેશ મુજબ હવે દર સોમવાર અને મંગળવારે પોલીસ મથકના વડા એવા પોલીસ અધિકારીઓએ સામાન્ય નાગરિકોની રજૂઆત સાંભળવી પડશે.

સ્થાનિક સ્તરે જ થઈ જશે સમાધાન

રાજ્ય સરકારના આ નિર્ણયથી સ્થાનિકોના મોટાભાગના પ્રશ્નોનું નિરાકરણ હવે સ્થાનિક સ્તરે જ મળી જશે. જેના માટે તમામ પોલીસ અધિકારીઓને પોલીસ મહાનિર્દેશક અને મુખ્ય પોલીસ અધિકારીને કડક સૂચના આપવા કહ્યું છે. આ બે દિવસોમાં અનિવાર્ય સંજોગો સિવાય કચેરીના વડા હોય તે પોલીસ અધિકારીઓએ કોઈ બેઠક કે અન્ય કાર્યક્રમનું આયોજન નહીં કરવું, તેવી પણ સૂચના આપવામાં આવી છે. 

આ પણ વાંચોઃ આજે વિસર્જન યાત્રાને અનુલક્ષીને માથાભારે તત્વોને રાઉન્ડ અપ કરાશે

આ પણ વાંચોઃ એક પૈડાની સાઇકલ પર ગણેશજીનું અનોખું વિસર્જન, વડોદરાના યુવાન નોંધાવ્યા અનેક વર્લ્ડ રેકોર્ડ