પાલનપુર બ્રિજ અકસ્માતમાં સરકારની કાર્યવાહી : GPC ઈન્ફ્રાસ્ટ્રક્ચરને બ્લેક લિસ્ટ કરાઈ, 2 અધિકારીઓ પણ સસ્પેન્ડ

Palanpur Bridge Collapse : પાલનપુર (Palanpur)માં આરટીઓ સર્કલ નજીક રેલવે ઓવરબ્રિજના ગડર પડવાની ગોઝારી ઘટનામાં બે યુવકોના મોત નિપજતા હાહાકાર મચી જવા પામ્યો હતો. આ અંગે સરકાર પાસે કાર્યવાહી કરવાની માગ ઉઠતા મુખ્યમંત્રી ભૂપેન્દ્ર પટેલની સૂચનાને આધારે  ત્રણ સભ્યોની કમિટી નિમવામાં આવી હતી. કમિટીના સભ્યોએ બનાવના દિવસે જ સાંજે સ્થળ પર પહોંચીને તપાસ શરૂ કરી હતી. મુખ્યમંત્રીના કડક આદેશ બાદ કાર્યવાહીના પગલે GPC ઈન્ફ્રાસ્ટ્રક્ચરને બ્લેક લિસ્ટ કરાઈ છે અને 2 અધિકારીઓને પણ સસ્પેન્ડ કરવામાં આવ્યા છે. 

સેમ્પલ ટેસ્ટિંગમાં મોકલવામાં આવ્યા 

આ ઘટના બાદ કોંન્ક્રીટના સેમ્પલ, સ્ટીલના સેમ્પલ, ડિઝાઈન, નકશાઓ વગેરે એકત્રિત કરીને સ્થળ પર પડેલી ગર્ડરનું અને સમગ્ર વિસ્તારનું નિરીક્ષણ કરવામાં આવ્યું હતું અને તેના સેમ્પલ ટેસ્ટિંગ માટે મોકલવામાં આવ્યા હતા. આ સેમ્પલનાં પરીક્ષણ પરિણામો ટૂંક સમયમાં અપેક્ષિત છે. તે આવ્યા બાદ સમિતિ ઘટનાનાં વિગતવાર તારણો પર આવી શકશે. આ દુર્ઘટનાના પ્રાથમિક અહેવાલમાં જણાયું છે કે નિર્માણાધીન બાંધકામ વિસ્તારમાં બેરિકેડિંગ  અને ટ્રાફિક મેનેજમેન્ટ વગેરેનું ધ્યાન રાખવામાં આવ્યું હોત તો આ કમનસીબ ઘટના નિવારી શકાઈ હોત.

આ મામલાની તપાસ DySPને સોંપવામાં આવી

બનાસકાંઠાના પાલનપુરમાં આરટીઓ સર્કલ (RTO Circle) પાસે નિર્માણધીન (under-construction) ઓવરબ્રિજના સ્લેબનો ભાગ તૂટી પડ્યો હતો જેમાં બે યુવકોના ઘટના સ્થળે જ કમકમાટી ભર્યા મોત (two youths died) નીપજ્યાં હતા. આ બે યુવકોના પરિવારો દ્વારા જ્યારે કંપનીના એન્જિનિયરો અને ડાયરેક્ટર સામે ફરિયાદ દાખલ ( complaint is filed) કરવામાં આવશે ત્યારે જ મૃતદેહોને સ્વીકારીશું તેવી માંગ કરી હતી ત્યારે હવે GPC કંપનીના 7 ડિરેક્ટર અને ચાર ઈજનેર સામે ફરિયાદ દાખલ કરવામાં આવી છે તેમજ આ મામલાની તપાસ (investigation) DySPને સોંપવામાં આવી છે. 

અગાઉ પણ કંપની સામે પોલીસ ફરિયાદ નોંધાઈ હતી

આ ઘટનામાં બે લોકોનો મોત થતા લોકોનો બ્રિજ બનાવનાર GPC કંપની સામે રોષ ફાટી નીકળ્યો હતો. ઉલ્લેખનીય છે કે આ અગાઉ પણ આ કંપની વિવાદમાં આવી (controversy before) ચુકી છે. આ પહેલા પણ તેની સામે ફરિયાદ નોંધાઈ હતી તેમ છતાં પણ આ કંપનીને ફરી એકવાર બ્રિજ બનવવાનો કોન્ટ્રાક્ટ આપવામાં આવ્યો હતો. આ પહેલા મનપા અને AUDAએ GPC કંપનીને બ્લેકલિસ્ટ કરી (blacklisted) હતી. હવે આ GPC કંપનીના 7 ડિરેક્ટર અને ચાર ઈજનેર સામે ફરિયાદ નોંધાઇ છે તેમજ વિવિધ વિભાગોની તપાસ ચાલુ છે અને જે પણ દોષિત સામે આવશે તેની સામે પણ ફરિયાદ નોંધાશે.