ગોધરામાં ચોરીની શંકાના કારણે એક યુવકને કારના બોનેટ પર બાંધીને ફરાવ્યો

Image:twitter 

Godhra viral video: ગુજરાતના ગોધરામાં એક યુવકને કારના બોનેટ પર દોરડા વડે બાંધવામાં આવતો હોવાનો વીડિયો સોશિયલ મીડિયા પર વાયરલ થઈ રહ્યો છે. વીડિયો વાયરલ થયા બાદ પોલીસે પણ આ મામલાની નોંધ લીધી અને આરોપીઓ વિરુદ્ધ કેસ પણ નોંધવામાં આવ્યો છે. આ કેસમાં આરોપી અને પીડિત યુવક વિરુદ્ધ પણ કેસ નોંધવામાં આવ્યો છે. 

જાણો સમગ્ર મામલો

ગોધરાના કંકુ થાંભલાની આ ઘટના છે. જ્યાં કેટલાક લોકોએ એક યુવકને કારના બોનેટ સાથે બાંધી દીધો છે. એક યુવક જંતુનાશક અને ખાદ્યપદાર્થોની દુકાનમાંથી ચોરી કરવાનો પ્રયાસ કરતા ઝડપાયો હતો. જેથી તેને કારના બોનેટ પર બાંધવામાં આવ્યો હતો.

પહેલા દુકાનદારે યુવકને માર માર્યો અને પછી તેના સાગરિતોએ યુવકને કારના બોનેટ સાથે દોરડા વડે બાંધી દીધો. કેટલાક લોકો આ ઘટનાનો વીડિયો પણ બનાવી રહ્યા હતા. તેમાંથી એક વીડિયો વાયરલ થયો અને મામલો પોલીસ સુધી પહોંચ્યો.

આ સમગ્ર મામલે ગોધરા તાલુકા પોલીસ મથકે ફરિયાદ નોંધાઈ છે. મહત્વની વાત એ છે કે ચોરીનો પ્રયાસ કરનાર યુવક (સુરજન ભાવરી) અને તેને બાંધીને તેને મારનારા બે સહિત ત્રણ લોકો સામે એફઆઈઆર નોંધવામાં આવી છે. આ મામલે સ્થાનિક પોલીસ અધિકારીએ જણાવ્યું હતું કે, ગોધરા તાલુકા પોલીસે બંને પક્ષો સામે કાર્યવાહી હાથ ધરી છે. આ બાબત સમગ્ર વિસ્તારમાં ચર્ચાનો વિષય બની છે.