નવા યાર્ડમાં બંધ કંપનીમાં ભીષણ આગ, શેડ અને વોલ ધરાશાયી, 15 ફાયર એન્જિન કામે લાગ્યા

વડોદરા નવા યાર્ડ વિસ્તારમાં આવેલી એક બંધ કંપનીમાં ગઈ મોડી રાતે ભીષણ આગ લાગતા મારે તબાહી મચી હતી.

નવા ફૂલવાડી વિસ્તારમાં મધુનગર નજીક આવેલી અપાર ઇન્ડસ્ટ્રી લાંબા સમયથી બંધ હતી. આ કંપનીના ગોડાઉનમાં ફોમ, કાપડ તેમજ અન્ય મટીરીયલ નો મોટો સ્ટોક રાખી મૂકવામાં આવ્યો હતો. 

ગઈકાલે અચાનક લાગેલી આગનું કારણ હજી સુધી અકબંધ રહ્યું છે. આગ એટલી ભીષણ હતી કે લગભગ આખી કંપની નું ગોડાઉન તેમાં લાપેટાઈ ગયું હતું. આગને કારણે કંપનીનો શેડ અને કંપાઉન્ડવોલ પણ ધરાશાયી થઈ ગયા હતા.

બનાવના સ્થળે ફાયર બ્રિગેડના 15 ફાયર એન્જિન, નવ ટીમો ઉપરાંત વીજ કંપની અને પોલીસની ટીમો પણ દોડી આવી હતી અને 6 થી 8 કલાકની જહેમત બાદ આગ કાબુમાં લેવામાં આવી હતી. હજી પણ કુલિંગ કરવાની કામગીરી ચાલુ રાખવામાં આવી છે.