ધંધુકા નગરપાલિકાના 7 વોર્ડની 28 બેઠકો માટે ચૂંટણી યોજાશે

- ચૂંટણી પંચની જાહેરાત સાથે ચૂંટણીનો ધમધમાટ શરૂ

- 32,475 ઉપરાંતના મતદારો કરશે મતાધિકારનો ઉપયોગ 

 ધંધુકા નગરપાલિકામાં કુલ ૭ વોર્ડની ૨૮ બેઠકો છે. જેમાં મહિલા અનામત અને વોર્ડ વાઇઝ અનામતનું જાહેરનામું પણ બહાર પાડવામાં આવ્યું છે. જે મુજબ ૧૪ મહિલા અનામત બેઠકો રહેશે. અનુસૂચિત જાતિ માટે અનામત બેઠકો ૨ પૈકી ૧ મહિલા અનામત, પછાત વર્ગ માટે અનામત બેઠક ૮ પૈકી ૪ બેઠકો મહિલા અનામત રહેશે. આમ, અનામત બેઠકોની સંખ્યા ૧૯ રહેશે. જ્યારે સામાન્ય બેઠકોની સંખ્યા ૯ રહેશે. 

 નગરપાલિકાના ૭ વોર્ડમાં કુલ ૩૨,૪૭૫ ઉપરાંતના મતદારો નોંધાયા હોવાનું જાણવા મળ્યું હતું. જેઓ મતાધિકારનો ઉપયોગ કરશે.