તમારી લીઝમાં અમારી પાંચ ગાડી ચલાવવી પડશે કહી દંપતી અને તેના પુત્ર પર હુમલો

જામનગર તાલુકાના ધ્રાંગડા ગામનો બનાવ

સામા પક્ષે પણ યુવાન દ્વારા ત્રણ શખ્સોએ હુમલો કર્યાની વળતી ફરિયાદ

 આ ફરિયાદ અંગેના બનાવની વિગત એવી છે કે જામનગર તાલુકાના ધ્રાંગડા ગામમાં રહેતા કરસનભાઈ દેવશીભાઈ મકવાણા નામના ૮૨ વર્ષના બુઝુર્ગ કે જેઓએ પોતાના ઉપર તેમજ પોતાના પુત્ર નરેશ અને પોતાના પત્ની રૃડીબેન પર હુમલો કરી ઇજા પહોંચાડવા અંગે એઝાઝ સુમાર સફિયા, ઈકબાલ સુમાર સફિયા, યાકુબ સુમાર સફિયા અને રાજેશ નાનજી દેવીપુજક સામે પંચકોશી એ. ડિવિઝન પોલીસ મથકમાં ફરિયાદ નોંધાવી છે. જે ફરિયાદના અનુસંધાને જામનગર ગ્રામ્ય વિસ્તારના ડી.વાય.એસ.પી. એ ગુનો નોંધ્યો છે, અને તપાસ શરૃ કરી છે.

 પોલીસ ફરિયાદમાં જાહેર કરાયા અનુસાર ફરિયાદીની લીઝની જમીનમાં આરોપીઓ ઘૂસી ગયા હતા, અને ખાંભા વગેરે કાઢી નાખ્યા હતા. જે અંગે તેઓને રોકવા જતાં ચારેય આરોપીઓએ તમારી લીઝની જમીનમાં અમારી પાંચ ગાડી ચલાવવા દેવી પડશે, અને જો ગાડી ચલાવવા નહીં આપો તો અમને પૈસા આપવા પડશે. જેની ના પાડતાં ચારેય આરોપીઓ ઉસકેરાયા હતા અને આ હુમલો કરી દીધાનું પોલીસમાં જાહેર થયું છે.

 આ ઉપરાંત સામા પક્ષે યાકુબ સુમારભાઈ જખરાએ પોતાના ઉપર તેમજ પોતાના ભાઈ ઉપર હુમલો કરવા અંગે રમેશભાઈ કરસનભાઈ મકવાણા તેમજ નરસિંભાઈ કરસનભાઈ મકવાણા અને અતુલ રમેશભાઈ મકવાણા સામે વળતી ફરિયાદ નોંધાવી છે.  જેઓ લિઝ માં રેતી કાઢતા હોવાથી પોતાનો ભાઈ રજાક વિડીયો ઉતારી રહ્યો હોવાથી તમામ આરોપીઓએ ઉસકેરાઈ જઇ આ હુમલો કરી દીધા નું પોલીસમાં જાહેર કરાયું છે.