'ભાજપ હાય... હાય... ગૃહ મંત્રી-મુખ્ય મંત્રી શરમ કરો', વડોદરામાં કોંગ્રેસ-પોલીસ વચ્ચે ઘર્ષણ

Congress Workers Protest In Vadodara: વડોદરામાં ભયાનક પૂરની સ્થિતિ બાદ કોંગ્રેસના કાર્યકરોએ ભાજપને ઘેરવામાં કોઈ કચાશ બાકી રાખી નહોતી. આજે વડોદરા કલેક્ટરની કચેરીએ પહોંચીને 'ભાજપ હાય...હાય...', 'શહેરના ધારાસભ્ય, સાંસદ, ગૃહમંત્રી-મુખ્યમંત્રી શરમ કરો...શરમ કરો...'ના નારા લગાવ્યા હતા. કોંગ્રેસના દેખાવના આયોજનને પગલે પોલીસે કોંગ્રેસીઓને રોકવાના પ્રયાસ કર્યા હતા. જો કે કોંગ્રેસના કાર્યકરોએ જરાય કૂણું વલણ ન દાખવતાં આક્રમક રીતે નારેબાજી ચાલુ રાખતાં મામલો બીચક્યો હતો અને પોલીસ સાથે જ ઝપાઝપી થવા લાગી હતી. 

કોંગ્રેસનો આક્રમક દેખાવ

કોંગ્રેસે આક્રમક દેખાવો કરીને કલેક્ટર કચેરી માથે લીધી હતી. આ દરમિયાન કોંગ્રેસના નેતાઓ અને કાર્યકરોનું પોલીસ સાથે ઘર્ષણ પણ થયું હતું. પોલીસે એવી શરત મૂકી હતી કે, પાંચ જ લોકો કલેક્ટરને આવેદનપત્ર આપવા જશે. પરંતુ કોંગ્રેસના તમામ કાર્યકરો કલેક્ટર કચેરીની ઑફિસમાં ઘૂસી ગયા હતા. આ તબક્કે શહેર કોંગ્રેસ પ્રમુખ અને કાર્યકરોની પોલીસ સાથે ધક્કા ર્મુક્કી પણ થઈ હતી.

આ પણ વાંચો:  48 વર્ષે વિનાશક પૂર બાદ વડોદરામાં આક્રોશ, ભાજપના કદાવર નેતાઓને લોકોએ ભગાડ્યા