જામનગરમાં વાહન ચોર ટોળકીની રંજાડ યથાવત : વધુ બે વેપારીઓના બાઇકની ઉઠાંતરી થયાની ફરિયાદ

image : Freepik

Jamnagar Bike Theft : જામનગર શહેરમાં વાહન ચોર ટોળકીનો ત્રાસ યથાવત રહયો છે અને શહેરના રંગમતી સોસાયટી તેમજ કાલાવડ નાકા બહારથી બે વેપારીઓના મોટરસાયકલની ચોરી કરી લઈ ગયાની ફરિયાદ પોલીસમાં નોંધાવાઈ છે.

 જામનગરમાં રંગમતી સોસાયટીમાં રહેતા તાજુદ્દીન જલાલુદ્દીન અન્સારી નામના વેપારી યુવાને પોતાનું રૂપિયા 35,000 ની કિંમતનું બાઈક કોઈ તસ્કરો ચોરી કરી લઈ ગયાની ફરિયાદ પોલીસમાં નોંધાવી છે.

 આ ઉપરાંત જામનગરમાં કાલાવડનાકા બહાર મકવાણા સોસાયટીમાં રહેતા ઇમરાન ખાન મુન્ના ખાન પઠાણે પોતાનું રૂપિયા 25,000 ની કિંમતનું બાઈક કોઈ તસ્કરો ચોરી કરી લઈ ગયાની ફરિયાદ સિટી એ. ડિવિઝન પોલીસ મથકમાં નોંધાવી છે.