રાજકોટ તાલુકા પંચાયતના પ્રમુખ સહિત ત્રણ સામે વળતી ફરિયાદ

૨૬મી જાન્યુઆરીએ હુમલાની ફરિયાદ નોંધાવનાર

આરોપીઓએ દસેક મહિના પહેલા થયેલી માથાકૂટનો ખાર રાખી ધોકા-પાઇપ વડે હુમલો કર્યો હતો

ફરિયાદમાં ઇલિયાસભાઈએ જણાવ્યું છે કે ગઇ તા. ૨૬ના રોજ ગામમાં આવેલા ગેઇટ પાસે હતા ત્યારે ચેતનભાઈ, તેનો ભાઈ અને તેની દુકાનમાં કામ કરતો ચોટી તેની પાસે આવ્યા હતા. જેમાંથી ચેતને કહ્યું કે તું સાજો થઇ ગયો, અમારું કોઇ કાંઇ બગાડી નહીં શકે. તે સાથે જ રવિએ પાઇપ જ્યારે ચેતન અને ચોટીએ ધોકા વડે તેની ઉપર હુમલો કર્યો હતો. બંને હાથ આડા ધરી દેતાં તેમાં ઇજા થઇ હતી.

એટલું જ નહીં ચોટીએ તેને ગાળો પણ ભાંડી હતી. આ દરમિયાન ગ્રામજનો ભેગા થઇ જતાં ચેતનભાઈએ તેને કહ્યું કે તારી આગળની ફરિયાદ પાછી ખેંચી લેજે અને ગામ મૂકીને જતો રહેજે. બાદમાં તેણે પોતાની પાસે રહેલા ધોકા વડે ચેતનભાઈ પર હુમલો કર્યો હતો. ગ્રામજનો ભેગા થઇ જતાં તે ભાગી ગયા હતા. વાંકાનેરની હોસ્પિટલમાં જઇ સારવાર લીધી હતી. તબીબે તેને જમણા હાથના કાંડા અને ડાબા હાથની બીજી આંગળીમાં ફ્રેક્ચર થયાનું જણાવ્યું હતું.

દસેક મહિના પહેલા તેને ચેતનભાઈ અને તેના ભાઈ સાથે માથાકૂટ થતાં ફરિયાદ નોંધાવી હતી. જેનો ખાર રાખી આરોપીઓએ ઝઘડો કરી, ગાળો ભાંડી, હુમલો કર્યો હતો.