ચૈત્રી નવરાત્રિને લઈને અંબાજી અને પાવાગઢ મંદિરમાં આરતી-દર્શનના સમયમાં ફેરફાર, નોંધી લો સમય

Chaitra Navratri: ચૈત્રી નવરાત્રિ હિન્દુઓ માટે પવિત્ર તહેવાર માનવામાં આવે છે. આ વર્ષે 30 માર્ચથી ચૈત્રી નવરાત્રિના પર્વનો પ્રારંભ થવા જઈ રહ્યો છે, ત્યારે અનેક હિન્દુઓ આ દિવસે તીર્થધામોએ ઈશ્વરના દર્શનાર્થે પહોંચે છે. જેને લઈને ભક્તોની ભારે ભીડ જામે છે. એવામાં શ્રદ્ધાળુઓને અસુવિધા ન થાય તે માટે પાવાગઢ અને અંબાજીમાં દર્શનના સમયમાં ફેરફાર કરવામાં આવ્યો છે. 

પાવાગઢમાં દર્શનના સમયમાં ફેરફાર

• પાવાગઢમાં એકમ, આઠમ, નોમ અને પૂનમના દિવસે મંદિર સવારે 4 વાગ્યે ખુલશે.
• બાકીના દિવસોમાં મંદિર સવારે 5 વાગ્યે ખુલશે.
• નવરાત્રિ દરમિયાન મંદિર રાત્રે આઠ વાગ્યે બંધ થઈ જશે. 

આ પણ વાંચોઃ કરનાળી કુબેર ભંડારી મંદિર ટ્રસ્ટના હિન્દી ભાષી ગુજરાતી ટ્રસ્ટીઓ વચ્ચે વિવાદ: ચેરિટી કમિશનર દ્વારા વચગાળાનો મનાઈ હુકમ

અંબાજીમાં દર્શનના સમયમાં ફેરફાર

30 માર્ચ, ચૈત્ર સુદ - એકમ

• સવારે 9:15 કલાકે ઘટસ્થાપન
• સવારે 7 થી 7:30 આરતી
• સવારે 7:30 થી 11:30 સુધી દર્શન
• 12 વાગ્યે રાજભોગ
• 12:30 થી 4:30 સુધી દર્શન
• સાંજે 7 થી 9 દર્શન

આ પણ વાંચોઃ ઉત્તરવાહિની પંચકોશી નર્મદા પરિક્રમા 29મી માર્ચથી થશે શરૂ, 3 કરોડના ખર્ચે સુવિધાઓ ઊભી કરાઈ

આઠમ અને પૂનમના દિવસે બદલાયો આરતીનો સમય

• 5 એપ્રિલ ચૈત્ર સુદ આઠમના દિવસે સવારે 6 વાગ્યે આરતી કરવામાં આવશે. 
• 12 એપ્રિલ સુદ-15 પૂનમના દિવસે સવારે 6 વાગ્યે આરતી કરવામાં આવશે.