જો કોઈને હૃદયને લગતી બિમારી હોય તો…, સૌરાષ્ટ્ર યુનિવર્સિટીએ સ્વિમિંગપૂલ, જીમ, સ્પોર્ટ્સ કોમ્પ્લેક્સમાં લગાવ્યા પોસ્ટરો

posters at saurashtra university : રાજકોટ ખાતે આવેલી સૌરાષ્ટ્ર યુનિવર્સિટી કોઈના કોઈ કારણે અવાર-નવાર ચર્ચામાં રહેતી હોચ છે ત્યારે હવે યુનિવર્સિટીના સ્વિમિંગપૂલ, જીમ, સ્પોર્ટ્સ કોમ્પ્લેક્સમાં કેટલાક પોસ્ટર લગાવવામાં આવ્યા છે જેમાં હૃદયની બિમારી ધરાવતા લોકો માટે સૂચના જાહેર કરાઈ છે.

ખેલાડીઓએ મેડિકલ સર્ટિફિકેટ રજૂ કરવુ પડશે : સૌરાષ્ટ્ર યુનિવર્સિટી

ગુજરાત રાજ્યમાં છેલ્લા ઘણા મહિનાઓથી હાર્ટ એટેકના કિસ્સાઓ સતત વધી રહ્યા છે ત્યારે રાજકોટની સૌરાષ્ટ્ર યુનિવર્સિટીના સ્વિમિંગપૂલ, જીમ, સ્પોર્ટ્સ કોમ્પ્લેક્સમાં હૃદયની બિમારી ધરાવતા લોકો માટે સૂચના આપતા પોસ્ટર લગાવવામાં આવ્યા છે કે જો હ્રદય રોગની બિમારી હોય તેઓએ સ્વિમિંગ સહિતની પ્રવૃત્તિથી દૂર રહેવું. આ ઉપરાંત લખ્યું છે કે ખેલાડીઓએ સ્વિમિંગપૂલમાં જવા માટે મેડિકલ સર્ટિફિકેટ રજૂ કરવુ પડશે. સૌરાષ્ટ્ર યુનિવર્સિટીના સ્વિમિંગપૂલ, જીમ, સ્પોર્ટ્સ કોમ્પ્લેક્ષમાં પ્રવેશબંધી કરવામાં આવી છે. ઉલ્લેખનીય છે કે ગુજરાતમાં છેલ્લા ઘણા સમયથી હાર્ટએટેકના કિસ્સાઓ વધી રહ્યા હોવાથી આ મોટો નિર્ણય લેવાયો છે.