૨જી માર્ચ સુધી ભાવનગર-ઓખા ટ્રેન સુરેન્દ્રનગર સુધી જ દોડાવાશે

- રાજકોટ મંડળમાં ડબલટ્રેકના કામ માટે બ્લોક લેવાયો

- સુરેન્દ્રનગર-ઓખા-સુરેન્દ્રનગર વચ્ચે ટ્રેનને આંશિક રીતે રદ્દ કરવા રેલવેએ નિર્ણય લીધો

રાજકોટ-હાપા સેક્શનમાં આવેલા પડધરી-ચણોલ-હડમતિયામાં ડબલ ટ્રેકના કામના કારણે બ્લોક લેવામાં આવનાર હોવાથી આવતીકાલ તા.૨૦-૨થી તા.૪-૩ સુધી આ સેક્શનમાં રેલ ટ્રાફિકને અસર થશે. બ્લોક લેવાના કારે ભાવનગર-ઓખા એક્સપ્રેસ ટ્રેનને તા.૧૯-૨થી તા.૨-૩ સુધી ઓખાના બદલે સુરેન્દ્રનગર સુધી જ ચલાવવામાં આવશે. જ્યારે આવતીકાલ તા.૨૦-૨થી તા.૩-૩ સુધી ઓખાથી ભાવનગર આવતી ટ્રેનને સુરેન્દ્રનગરથી ભાવનગર સુધી ચલાવવામાં આવશે. આમ આ ટ્રેન સુરેન્દ્રનગર-ઓખા-સુરેન્દ્રનગર વચ્ચે આંશિક રીતે રદ્દ રહેશે તેમ ભાવનગર રેલવેના સિનિયર ડિવિઝનલ કોમર્શિયલ મેનેજરે જણાવ્યું છે.