જામનગરમાં વિદ્યાર્થીઓથી ભરેલી સ્કૂલ વાનમાં લાગી આગ, અફરાતફરીનો સર્જાયો માહોલ

વિદ્યાર્થીઓ ભરેલી સ્કૂલવેનમાં આગ લાગી 

જામનગરની એન.વી.એન. સ્કૂલના વિદ્યાર્થીઓ ભરેલી GJ 10 DJ 1846 નંબરની સ્કૂલવાન (ઇકો કાર) માં બપોરના સમયે વિદ્યાર્થીઓને શાળાએ લઈ જવામાં આવતા હતા. આ દરમિયાન બેડેશ્વર વિસ્તારમાં વજન કાંટા પાસે સીએનજી ગેસ કીટમાં આગ શરૂ થઈ હતી અને સૌ પ્રથમ ધુમાડા દેખાયા હતા. જેથી સ્કૂલ વેનના ચાલકે વેન ઉભી રાખીને તેમાંથી તમામ વિધાર્થીઓને બહાર કાઢી લીધા હતા. 

સ્થાનિક નાગરિકે કરી મદદ 

ત્યારબાદ સ્થાનિક  નાગરિક અકબરભાઈ કક્કલ પાણીની ડોલ લઈને દોડી આવ્યા હતા અને તુરંત જ  પાણીનો મારો ચલાવી આગ શરૂ થાય તે પહેલાં જ આગને બુજાવી દીધી હતી. કોઈ જાનહાની થાય, તે પહેલા જ આગ કાબુમાં આવી જતાં સર્વેએ હાશકારો અનુભવ્યો હતો. જો કે સમગ્ર બનાવ મામલે ફાયર બ્રિગેડ અથવા અન્ય કોઈ તંત્રની મદદ લેવામાં આવી નથી.